dhup mein barish

kal raat na jaane kyoñ kaise

ek ajiib sī ḳhvāhish hone lagī

vo shahar jo ham se chhūTā hai

usī shahar kī ḳhvāhish hone lagī

vo shahar jo ham se chhūTā hai

ab us kā nazzāra kaisā hai

kis se pūchhūñ kaise pūchhūñ

har jaan se pyārā kaisā hai

kyā ab bhī hamāre ham-jolī

be-kār paḌe haiñ gaañv meñ

kyā ab bhī beḌiyāñ laTkī haiñ

un dauḌne vaale paañv meñ

kyā ab bhī papīhā gaatā hai

us būḌhe niim kī golī par

kyā ab bhī mausam-e-sarmā meñ

phūloñ kī numā.ish hotī hai

kyā ab bhī patañgeñ uḌtī haiñ

pāvan chhaT ke tyauhāroñ meñ

kyā ab bhī log nahāte haiñ

sāvan kī pyārī phuvāroñ meñ

kyā ab bhī log nikalte haiñ

vaise hī iid ke mauqe par

kyā ab bhī apne mohalle meñ

mehmān-navāzī hotī hai

kyā din the vo jo biit ga.e

kyā mere saare miit ga.e

ai kaash koī laḌtā ham se

tum haar ga.e ham jiit ga.e

vo apnā bachpan kidhar gayā

vo apnī javānī kahāñ ga.ī

vo shaam jo phir aa.ī hī nahīñ

vo sub.h suhānī kahāñ ga.ī

kal raat ga.ī sab baat ga.ī

ya.anī saarī sauġhāt ga.ī

bin mausam ke jo aa.ī thī

mujhe rulā ke vo barsāt ga.ī

jab maiñ us se pūchhā thā

ab shahar hamārā kaisā hai

kyā dhuup meñ bārish hotī hai

kyārī ḳhvāhish hotī hai

vo hañste hañste rone lagī

aur dhuup meñ bārish hone lagī

kal raat na jaane kyon kaise

ek ajib si KHwahish hone lagi

wo shahar jo hum se chhuTa hai

usi shahar ki KHwahish hone lagi

wo shahar jo hum se chhuTa hai

ab us ka nazzara kaisa hai

kis se puchhun kaise puchhun

har jaan se pyara kaisa hai

kya ab bhi hamare ham-joli

be-kar paDe hain ganw mein

kya ab bhi beDiyan laTki hain

un dauDne wale panw mein

kya ab bhi papiha gata hai

us buDhe nim ki goli par

kya ab bhi mausam-e-sarma mein

phulon ki numaish hoti hai

kya ab bhi patangen uDti hain

pawan chhaT ke tyauhaaron mein

kya ab bhi log nahate hain

sawan ki pyari phuwaron mein

kya ab bhi log nikalte hain

waise hi id ke mauqe par

kya ab bhi apne mohalle mein

mehman-nawazi hoti hai

kya din the wo jo bit gae

kya mere sare mit gae

ai kash koi laDta hum se

tum haar gae hum jit gae

wo apna bachpan kidhar gaya

wo apni jawani kahan gai

wo sham jo phir aai hi nahin

wo subh suhani kahan gai

kal raat gai sab baat gai

yani sari saughat gai

bin mausam ke jo aai thi

mujhe rula ke wo barsat gai

jab main us se puchha tha

ab shahar hamara kaisa hai

kya dhup mein barish hoti hai

kyari KHwahish hoti hai

wo hanste hanste rone lagi

aur dhup mein barish hone lagi