aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

taswir-e-dard

Allama Iqbal

taswir-e-dard

Allama Iqbal

MORE BYAllama Iqbal

    Interesting Fact

    From Part-1 till 1905 (Bang-e-Dara)

    nahīñ minnat-kash-e-tāb-e-shunīdan dāstāñ merī

    ḳhamoshī guftugū hai be-zabānī hai zabāñ merī

    ye dastūr-e-zabāñ-bandī hai kaisā terī mahfil meñ

    yahāñ to baat karne ko tarastī hai zabāñ merī

    uThā.e kuchh varaq laale ne kuchh nargis ne kuchh gul ne

    chaman meñ har taraf bikhrī huī hai dāstāñ merī

    uḌā qumriyoñ ne tūtiyoñ ne andalīboñ ne

    chaman vāloñ ne mil kar luuT tarz-e-fuġhāñ merī

    Tapak ai sham.a aañsū ban ke parvāne āñkhoñ se

    sarāpā dard huuñ hasrat bharī hai dāstāñ merī

    ilāhī phir maza kyā hai yahāñ duniyā meñ rahne

    hayāt-e-jāvedāñ merī na marg-e-nā-gahāñ merī

    mirā ronā nahīñ ronā hai ye saare gulistāñ

    vo gul huuñ maiñ ḳhizāñ har gul hai goyā ḳhizāñ merī

    darīñ hasrat sarā umrīst afsūn-e-jaras dāram

    z faiz-e-dil tapīdan-hā ḳharosh-e-be-nafas dāram

    riyāz-e-dahr meñ nā-āshnā-e-bazm-e-ishrat huuñ

    ḳhushī rotī hai jis ko maiñ vo mahrūm-e-masarrat huuñ

    mirī bigḌī huī taqdīr ko rotī hai goyā.ī

    maiñ harf-e-zer-e-lab sharminda-e-gosh-e-samā.at huuñ

    pareshāñ huuñ maiñ musht-e-ḳhāk lekin kuchh nahīñ khultā

    sikandar huuñ ki ā.īna huuñ gard-e-kudūrat huuñ

    ye sab kuchh hai magar hastī mirī maqsad hai qudrat

    sarāpā nuur ho jis haqīqat maiñ vo zulmat huuñ

    ḳhazīna huuñ chhupāyā mujh ko musht-e-ḳhāk-e-sahrā ne

    kisī ko kyā ḳhabar hai maiñ kahāñ huuñ kis daulat huuñ

    nazar merī nahīñ mamnūn-e-sair-e-arsa-e-hastī

    maiñ vo chhoTī duniyā huuñ ki aap apnī vilāyat huuñ

    na sahbā huuñ na saaqī huuñ na mastī huuñ na paimāna

    maiñ is mai-ḳhāna-e-hastī meñ har shai haqīqat huuñ

    mujhe rāz-e-do-ālam dil ā.īna dikhātā hai

    vahī kahtā huuñ jo kuchh sāmne āñkhoñ ke aatā hai

    atā aisā bayāñ mujh ko huā rañgīñ-bayānoñ meñ

    ki bām-e-arsh ke taa.ir haiñ mere ham-zabānoñ meñ

    asar ye bhī hai ik mere junūn-e-fitna-sāmāñ

    mirā ā.īna-e-dil hai qazā ke rāz-dānoñ meñ

    rulātā hai tirā nazzāra ai hindostāñ mujh ko

    ki ibrat-ḳhez hai terā fasāna sab fasānoñ meñ

    diyā ronā mujhe aisā ki sab kuchh de diyā goyā

    likhā kalk-e-azal ne mujh ko tere nauha-ḳhvānoñ meñ

    nishān-e-barg-e-gul tak bhī na chhoḌ us baaġh meñ gulchīñ

    tirī qismat se razm-ārā.iyāñ haiñ bāġhbānoñ meñ

    chhupā kar āstīñ meñ bijliyāñ rakkhī haiñ gardūñ ne

    anādil baaġh ke ġhāfil na baiTheñ āshiyānoñ meñ

    sun ai ġhāfil sadā merī ye aisī chiiz hai jis ko

    vazīfa jaan kar paḌhte haiñ taa.ir bostānoñ meñ

    vatan fikr kar nādāñ musībat aane vaalī hai

    tirī barbādiyoñ ke mashvare haiñ āsmānoñ meñ

    zarā dekh us ko jo kuchh ho rahā hai hone vaalā hai

    dharā kyā hai bhalā ahd-e-kuhan dāstānoñ meñ

    ye ḳhāmoshī kahāñ tak lazzat-e-fariyād paidā kar

    zamīñ par ho aur terī sadā ho āsmānoñ meñ

    na samjhoge to miT jāoge ai hindostāñ vaalo

    tumhārī dāstāñ tak bhī na hogī dāstānoñ meñ

    yahī ā.īn-e-qudrat hai yahī uslūb-e-fitrat hai

    jo hai rāh-e-amal meñ gām-zan mahbūb-e-fitrat hai

    huvaidā aaj apne zaḳhm-e-pinhāñ kar ke chhoḌūñgā

    lahū ro ro ke mahfil ko gulistāñ kar ke chhoḌūñgā

    jalānā hai mujhe har sham-e-dil ko soz-e-pinhāñ se

    tirī tārīk rātoñ meñ charāġhāñ kar ke chhoḌūñgā

    magar ġhunchoñ sūrat huuñ dil-e-dard-āshnā paidā

    chaman meñ musht-e-ḳhāk apnī pareshāñ kar ke chhoḌūñgā

    pironā ek tasbīh meñ in bikhre dānoñ ko

    jo mushkil hai to is mushkil ko āsāñ kar ke chhoḌūñgā

    mujhe ai ham-nashīñ rahne de shaġhl-e-sīna-kāvī meñ

    ki maiñ dāġh-e-mohabbat ko numāyāñ kar ke chhoḌūñgā

    dikhā dūñgā jahāñ ko jo mirī āñkhoñ ne dekhā hai

    tujhe bhī sūrat-e-ā.īna hairāñ kar ke chhoḌūñgā

    jo hai pardoñ meñ pinhāñ chashm-e-bīnā dekh letī hai

    zamāne tabī.at taqāzā dekh letī hai

    kiyā rif.at lazzat se na dil ko āshnā ne

    gizārī umr pastī meñ misāl-e-naqsh-e-pā ne

    rahā dil-basta-e-mahfil magar apnī nigāhoñ ko

    kiyā bairūn-e-mahfil se na hairat-āshnā ne

    fidā kartā rahā dil ko hasīnoñ adāoñ par

    magar dekhī na us ā.īne meñ apnī adā ne

    ta.assub chhoḌ nādāñ dahr ke ā.īna-ḳhāne meñ

    ye tasvīreñ haiñ terī jin ko samjhā hai burā ne

    sarāpā nāla-e-bedād-e-soz-e-zindagī ho

    sapand-āsā girah meñ bāñdh rakkhī hai sadā ne

    safā-e-dil ko kyā ārā.ish-e-rañg-e-ta.alluq se

    kaf-e-ā.īna par bāñdhī hai o nādāñ hinā ne

    zamīñ kyā āsmāñ bhī terī kaj-bīnī pe rotā hai

    ġhazab hai satr-e-qur.āñ ko chalīpā kar diyā ne

    zabāñ se gar kiyā tauhīd daavā to kyā hāsil

    banāyā hai but-e-pindār ko apnā ḳhudā ne

    kueñ meñ ne yūsuf ko jo dekhā bhī to kyā dekhā

    are ġhāfil jo mutlaq thā muqayyad kar diyā ne

    havas bālā-e-mimbar hai tujhe rañgīñ-bayānī

    nasīhat bhī tirī sūrat hai ik afsāna-ḳhvānī

    dikhā vo husn-e-ālam-soz apnī chashm-e-pur-nam ko

    jo taḌpātā hai parvāne ko rulvātā hai shabnam ko

    zarā nazzāra ai bul-havas maqsad nahīñ us

    banāyā hai kisī ne kuchh samajh kar chashm-e-ādam ko

    agar dekhā bhī us ne saare aalam ko to kyā dekhā

    nazar aa.ī na kuchh apnī haqīqat jaam se jam ko

    shajar hai firqa-ārā.ī ta.assub hai samar us

    ye vo phal hai ki jannat se nikalvātā hai aadam ko

    na uTThā jazba-e-ḳhurshīd se ik barg-e-gul tak bhī

    ye rif.at tamannā hai ki le uḌtī hai shabnam ko

    phirā karte nahīñ majrūh-e-ulfat fikr-e-darmāñ meñ

    ye zaḳhmī aap kar lete haiñ paidā apne marham ko

    mohabbat ke sharar se dil sarāpā nuur hotā hai

    zarā se biij se paidā riyāz-e-tūr hotā hai

    davā har dukh hai majrūh-e-teġh-e-ārzū rahnā

    ilāj-e-zaḳhm hai āzād-e-ehsān-e-rafū rahnā

    sharāb-e-be-ḳhudī se tā-falak parvāz hai merī

    shikast-e-rañg se sīkhā hai maiñ ne ban ke rahnā

    thame kyā dīda-e-giryāñ vatan nauha-ḳhvānī meñ

    ibādat chashm-e-shā.ir hai har dam bā-vazū rahnā

    banā.eñ kyā samajh kar shāḳh-e-gul par āshiyāñ apnā

    chaman meñ aah kyā rahnā jo ho be-ābrū rahnā

    jo samjhe to āzādī hai poshīda mohabbat meñ

    ġhulāmī hai asīr-e-imtiyāz-e-mā-o-tū rahnā

    ye istiġhnā hai paanī meñ nigūñ rakhtā hai sāġhar ko

    tujhe bhī chāhiye misl-e-habāb-e-ābjū rahnā

    na rah apnoñ se be-parvā isī meñ ḳhair hai terī

    agar manzūr hai duniyā meñ o begāna-ḳhū rahnā

    sharāb-e-rūh-parvar hai mohabbat nau-e-insāñ

    sikhāyā is ne mujh ko mast be-jām-o-subū rahnā

    mohabbat se paa.ī hai shifā bīmār qaumoñ ne

    kiyā hai apne baḳht-e-ḳhufta ko bedār qaumoñ ne

    bayābān-e-mohabbat dasht-e-ġhurbat bhī vatan bhī hai

    ye vīrāna qafas bhī āshiyāna bhī chaman bhī hai

    mohabbat vo manzil hai ki manzil bhī hai sahrā bhī

    jaras bhī kārvāñ bhī rāhbar bhī rāhzan bhī hai

    maraz kahte haiñ sab is ko ye hai lekin maraz aisā

    chhupā jis meñ ilāj-e-gardish-e-charḳh-e-kuhan bhī hai

    jalānā dil hai goyā sarāpā nuur ho jaanā

    ye parvāna jo sozāñ ho to sham-e-anjuman bhī hai

    vahī ik husn hai lekin nazar aatā hai har shai meñ

    ye shīrīñ bhī hai goyā be-sutūñ bhī kohkan bhī hai

    ujāḌā hai tamīz-e-millat-o-ā.īñ ne qaumoñ ko

    mire ahl-e-vatan ke dil meñ kuchh fikr-e-vatan bhī hai

    sukūt-āmoz tūl-e-dāstān-e-dard hai varna

    zabāñ bhī hai hamāre muñh meñ aur tāb-e-suḳhan bhī hai

    namī-gardīd ko tah rishta-e-ma.anī rihā kardam

    hikāyat buud be-pāyāñ ba-ḳhāmoshī adā kardam

    nahin minnat-kash-e-tab-e-shunidan dastan meri

    KHamoshi guftugu hai be-zabani hai zaban meri

    ye dastur-e-zaban-bandi hai kaisa teri mahfil mein

    yahan to baat karne ko tarasti hai zaban meri

    uThae kuchh waraq lale ne kuchh nargis ne kuchh gul ne

    chaman mein har taraf bikhri hui hai dastan meri

    uDa li qumriyon ne tutiyon ne andalibon ne

    chaman walon ne mil kar luT li tarz-e-fughan meri

    Tapak ai shama aansu ban ke parwane ki aankhon se

    sarapa dard hun hasrat bhari hai dastan meri

    ilahi phir maza kya hai yahan duniya mein rahne ka

    hayat-e-jawedan meri na marg-e-na-gahan meri

    mera rona nahin rona hai ye sare gulistan ka

    wo gul hun main KHizan har gul ki hai goya KHizan meri

    darin hasrat sara umrist afsun-e-jaras daram

    z faiz-e-dil tapidan-ha KHarosh-e-be-nafas daram

    riyaz-e-dahr mein na-ashna-e-bazm-e-ishrat hun

    KHushi roti hai jis ko main wo mahrum-e-masarrat hun

    meri bigDi hui taqdir ko roti hai goyai

    main harf-e-zer-e-lab sharminda-e-gosh-e-samaat hun

    pareshan hun main musht-e-KHak lekin kuchh nahin khulta

    sikandar hun ki aaina hun ya gard-e-kudurat hun

    ye sab kuchh hai magar hasti meri maqsad hai qudrat ka

    sarapa nur ho jis ki haqiqat main wo zulmat hun

    KHazina hun chhupaya mujh ko musht-e-KHak-e-sahra ne

    kisi ko kya KHabar hai main kahan hun kis ki daulat hun

    nazar meri nahin mamnun-e-sair-e-arsa-e-hasti

    main wo chhoTi si duniya hun ki aap apni wilayat hun

    na sahba hun na saqi hun na masti hun na paimana

    main is mai-KHana-e-hasti mein har shai ki haqiqat hun

    mujhe raaz-e-do-alam dil ka aaina dikhata hai

    wahi kahta hun jo kuchh samne aankhon ke aata hai

    ata aisa bayan mujh ko hua rangin-bayanon mein

    ki baam-e-arsh ke tair hain mere ham-zabanon mein

    asar ye bhi hai ek mere junun-e-fitna-saman ka

    mera aaina-e-dil hai qaza ke raaz-danon mein

    rulata hai tera nazzara ai hindostan mujh ko

    ki ibrat-KHez hai tera fasana sab fasanon mein

    diya rona mujhe aisa ki sab kuchh de diya goya

    likha kalk-e-azal ne mujh ko tere nauha-KHwanon mein

    nishan-e-barg-e-gul tak bhi na chhoD us bagh mein gulchin

    teri qismat se razm-araiyan hain baghbanon mein

    chhupa kar aastin mein bijliyan rakkhi hain gardun ne

    anadil bagh ke ghafil na baiThen aashiyanon mein

    sun ai ghafil sada meri ye aisi chiz hai jis ko

    wazifa jaan kar paDhte hain tair bostanon mein

    watan ki fikr kar nadan musibat aane wali hai

    teri barbaadiyon ke mashware hain aasmanon mein

    zara dekh us ko jo kuchh ho raha hai hone wala hai

    dhara kya hai bhala ahd-e-kuhan ki dastanon mein

    ye KHamoshi kahan tak lazzat-e-fariyaad paida kar

    zamin par tu ho aur teri sada ho aasmanon mein

    na samjhoge to miT jaoge ai hindostan walo

    tumhaari dastan tak bhi na hogi dastanon mein

    yahi aain-e-qudrat hai yahi uslub-e-fitrat hai

    jo hai rah-e-amal mein gam-zan mahbub-e-fitrat hai

    huwaida aaj apne zaKHm-e-pinhan kar ke chhoDunga

    lahu ro ro ke mahfil ko gulistan kar ke chhoDunga

    jalana hai mujhe har sham-e-dil ko soz-e-pinhan se

    teri tarik raaton mein charaghan kar ke chhoDunga

    magar ghunchon ki surat hun dil-e-dard-ashna paida

    chaman mein musht-e-KHak apni pareshan kar ke chhoDunga

    pirona ek hi tasbih mein in bikhre danon ko

    jo mushkil hai to is mushkil ko aasan kar ke chhoDunga

    mujhe ai ham-nashin rahne de shaghl-e-sina-kawi mein

    ki main dagh-e-mohabbat ko numayan kar ke chhoDunga

    dikha dunga jahan ko jo meri aankhon ne dekha hai

    tujhe bhi surat-e-aina hairan kar ke chhoDunga

    jo hai pardon mein pinhan chashm-e-bina dekh leti hai

    zamane ki tabiat ka taqaza dekh leti hai

    kiya rifat ki lazzat se na dil ko aashna tu ne

    gizari umr pasti mein misal-e-naqsh-e-pa tu ne

    raha dil-basta-e-mahfil magar apni nigahon ko

    kiya bairun-e-mahfil se na hairat-ashna tu ne

    fida karta raha dil ko hasinon ki adaon par

    magar dekhi na us aaine mein apni ada tu ne

    tassub chhoD nadan dahr ke aaina-KHane mein

    ye taswiren hain teri jin ko samjha hai bura tu ne

    sarapa nala-e-bedad-e-soz-e-zindagi ho ja

    sapand-asa girah mein bandh rakkhi hai sada tu ne

    safa-e-dil ko kya aaraish-e-rang-e-talluq se

    kaf-e-aina par bandhi hai o nadan hina tu ne

    zamin kya aasman bhi teri kaj-bini pe rota hai

    ghazab hai satr-e-quran ko chalipa kar diya tu ne

    zaban se gar kiya tauhid ka dawa to kya hasil

    banaya hai but-e-pindar ko apna KHuda tu ne

    kuen mein tu ne yusuf ko jo dekha bhi to kya dekha

    are ghafil jo mutlaq tha muqayyad kar diya tu ne

    hawas baala-e-mimbar hai tujhe rangin-bayani ki

    nasihat bhi teri surat hai ek afsana-KHwani ki

    dikha wo husn-e-alam-soz apni chashm-e-pur-nam ko

    jo taDpata hai parwane ko rulwata hai shabnam ko

    zara nazzara hi ai bul-hawas maqsad nahin us ka

    banaya hai kisi ne kuchh samajh kar chashm-e-adam ko

    agar dekha bhi us ne sare aalam ko to kya dekha

    nazar aai na kuchh apni haqiqat jam se jam ko

    shajar hai firqa-arai tassub hai samar us ka

    ye wo phal hai ki jannat se nikalwata hai aadam ko

    na uTTha jazba-e-KHurshid se ek barg-e-gul tak bhi

    ye rifat ki tamanna hai ki le uDti hai shabnam ko

    phira karte nahin majruh-e-ulfat fikr-e-darman mein

    ye zaKHmi aap kar lete hain paida apne marham ko

    mohabbat ke sharar se dil sarapa nur hota hai

    zara se bij se paida riyaz-e-tur hota hai

    dawa har dukh ki hai majruh-e-tegh-e-arzu rahna

    ilaj-e-zaKHm hai aazad-e-ehsan-e-rafu rahna

    sharab-e-be-KHudi se ta-falak parwaz hai meri

    shikast-e-rang se sikha hai main ne ban ke bu rahna

    thame kya dida-e-giryan watan ki nauha-KHwani mein

    ibaadat chashm-e-shair ki hai har dam ba-wazu rahna

    banaen kya samajh kar shaKH-e-gul par aashiyan apna

    chaman mein aah kya rahna jo ho be-abru rahna

    jo tu samjhe to aazadi hai poshida mohabbat mein

    ghulami hai asir-e-imtiyaz-e-ma-o-tu rahna

    ye istighna hai pani mein nigun rakhta hai saghar ko

    tujhe bhi chahiye misl-e-habab-e-abju rahna

    na rah apnon se be-parwa isi mein KHair hai teri

    agar manzur hai duniya mein o begana-KHu rahna

    sharab-e-ruh-parwar hai mohabbat nau-e-insan ki

    sikhaya is ne mujh ko mast be-jam-o-subu rahna

    mohabbat hi se pai hai shifa bimar qaumon ne

    kiya hai apne baKHt-e-KHufta ko bedar qaumon ne

    bayaban-e-mohabbat dasht-e-ghurbat bhi watan bhi hai

    ye virana qafas bhi aashiyana bhi chaman bhi hai

    mohabbat hi wo manzil hai ki manzil bhi hai sahra bhi

    jaras bhi karwan bhi rahbar bhi rahzan bhi hai

    maraz kahte hain sab is ko ye hai lekin maraz aisa

    chhupa jis mein ilaj-e-gardish-e-charKH-e-kuhan bhi hai

    jalana dil ka hai goya sarapa nur ho jaana

    ye parwana jo sozan ho to sham-e-anjuman bhi hai

    wahi ek husn hai lekin nazar aata hai har shai mein

    ye shirin bhi hai goya be-sutun bhi kohkan bhi hai

    ujaDa hai tamiz-e-millat-o-ain ne qaumon ko

    mere ahl-e-watan ke dil mein kuchh fikr-e-watan bhi hai

    sukut-amoz tul-e-dastan-e-dard hai warna

    zaban bhi hai hamare munh mein aur tab-e-suKHan bhi hai

    nami-gardid ko tah rishta-e-mani riha kardam

    hikayat bud be-payan ba-KHamoshi ada kardam

    Videos
    This video is playing from YouTube

    Videos
    This video is playing from YouTube

    Unknown

    Unknown

    RECITATIONS

    Nomaan Shauque

    Nomaan Shauque,

    Nomaan Shauque

    taswir-e-dard Nomaan Shauque

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now