ek din billi ne chuhe se kaha

ek din billī ne chūhe se kahā

tujh ko ḳhālā jaan se hai kyā gila

tū kabhī bhī mere ghar aatā nahīñ

apnī pyārī shakl dikhlātā nahīñ

tujh ko kuchh apnī sehat kā hai ḳhayāl

dekh to kyā ho gayā hai terā haal

uḌ rahī hai yuuñ tire chehre pe ḳhaak

dekh kar tujh ko jigar hotā hai chaak

pyaar tujh se kis qadar kartī huuñ maiñ

aah furqat meñ tirī bhartī huuñ maiñ

par nahīñ hai tujh ko kuchh merā ḳhayāl

tū mirī har baat ko jaatā hai Taal

merī chāhat kā agar kar ehtirām

kar mire ghar meñ hī tū aa kar qiyām

jāntā hai tū maiñ be-aulād huuñ

bas isī ik fikr se nāshād huuñ

tū agar aa kar rahegā mere ghar

kuchh to rāhat pā.egā merā jigar

peT meñ achchhī ġhizā jab jā.egī

tab tire chehre pe surḳhī aa.egī

baat billī kī sunī chūhe ne jab

khol kar goyā huā vo apne lab

pyārī ḳhāla jaan tū ne sach kahā

ye mohabbat kī hai tere intihā

ye tirā itnā hasīñ andāz hai

mujh ko is chāhat pe terī naaz hai

sochtā huuñ maiñ bhī tere ghar rahūñ

maiñ tirā laḳht-e-jigar ban kar rahūñ

terī qurbat meñ mirā hogā bhalā

lutf degā pyaar kā ye silsila

par isī ik vahm se majbūr huuñ

aaj tak maiñ ghar se tere duur huuñ

baat ye kahtā huuñ maiñ īmān se

mujh ko Dar lagtā hai ḳhālū jaan se

ek din billi ne chuhe se kaha

tujh ko KHala jaan se hai kya gila

tu kabhi bhi mere ghar aata nahin

apni pyari shakl dikhlata nahin

tujh ko kuchh apni sehat ka hai KHayal

dekh to kya ho gaya hai tera haal

uD rahi hai yun tere chehre pe KHak

dekh kar tujh ko jigar hota hai chaak

pyar tujh se kis qadar karti hun main

aah furqat mein teri bharti hun main

par nahin hai tujh ko kuchh mera KHayal

tu meri har baat ko jata hai Tal

meri chahat ka agar kar ehtiram

kar mere ghar mein hi tu aa kar qiyam

jaanta hai tu main be-aulad hun

bas isi ek fikr se nashad hun

tu agar aa kar rahega mere ghar

kuchh to rahat paega mera jigar

peT mein achchhi ghiza jab jaegi

tab tere chehre pe surKHi aaegi

baat billi ki suni chuhe ne jab

khol kar goya hua wo apne lab

pyari KHala jaan tu ne sach kaha

ye mohabbat ki hai tere intiha

ye tera itna hasin andaz hai

mujh ko is chahat pe teri naz hai

sochta hun main bhi tere ghar rahun

main tera laKHt-e-jigar ban kar rahun

teri qurbat mein mera hoga bhala

lutf dega pyar ka ye silsila

par isi ek wahm se majbur hun

aaj tak main ghar se tere dur hun

baat ye kahta hun main iman se

mujh ko Dar lagta hai KHalu jaan se