aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

ek ghair aham fard ke liye

Ishrat Afreen

ek ghair aham fard ke liye

Ishrat Afreen

MORE BYIshrat Afreen

    maasī dahī bilonā

    ḳhālī naañd baasī ḳhushbū

    suunā baaḌā

    bhūkī gaay

    tumheñ bulātī hai

    mailī oḌhnī aur sutlī ke jhūle meñ soyā huā potā jaag uThā hai

    aur apne maḳhsūs raag meñ

    reñ reñ kartā hai

    gahrī niiñd meñ soī huī tumhārī nuuñ

    jaag uThī to chillā.egī

    chūlhā ab tak ThanDā hai

    uple os meñ bhiig rahe haiñ

    unheñ uThāo maasī

    dahī bilonā

    chhappar par phailī huī torī beloñ meñ

    batiyā aanī shurūa huī hai

    pichhvāḌe se

    chaulā.ī saag kupaT kar laao naañ

    maasī dahī bilonā

    beTā khet se aatā hogā

    abhī bahū chillā.egī

    dekho sūraj

    kachchī dīvāroñ ke pīchhe jhāñk rahā hai

    aaj diyā kyā saarī raat jalāyā thā

    diye meñ qatra tel nahīñ hai

    ab kyā hogā

    abhī bahū chillā.egī

    thoḌī dhuup utar aa.ī hai

    aadhī chatā.ī kal bin thī

    na.ī muunj kal raat laḌkā laayā hai

    achchhī muunj hai

    is se hathelī kam chhiltī hai

    poreñ kam zaḳhmī hotī haiñ

    aadhī chatā.ī baaqī hai

    uTTho maasī muunj rañgo

    abhī bahū chillā.egī

    puurī dhuup utar aa.ī hai

    kāñTe chunñe īñdhan laane jañgal bhī to jaanā hai

    bakrī pevsī jo raat jamā.ī thī

    vo beTī ke ghar kab bhejogī

    maasī tumhāre hoñT bhiñche hue kyoñ haiñ

    khokhle siine pople muñh dhoñknī āḳhir band hai kyoñ

    ḳhufiya jeb nichlī tah meñ

    chhipī huī ik umr pūñjī

    das pattā

    galā huā bad-rañg kāġhaz

    jis ke liye tumhārī nuuñ

    sūkhā maas khakhoḌ rahī hai

    maasī ab uTh jaao

    maasī dahī bilonā

    ḳhālī naañd baasī ḳhushbū

    suunā baaḌā

    bhūkī gaay

    tumheñ bulātī hai

    masi dahi bilona

    KHali nand ki basi KHushbu

    suna baDa

    bhuki gay

    tumhein bulati hai

    maili oDhni aur sutli ke jhule mein soya hua pota jag uTha hai

    aur apne maKHsus rag mein

    ren ren karta hai

    gahri nind mein soi hui tumhaari nun

    jag uThi to chillaegi

    chulha ab tak ThanDa hai

    uple os mein bhig rahe hain

    unhen uThao na masi

    dahi bilona

    chhappar par phaili hui tori ki belon mein

    batiya aani shurua hui hai

    pichhwaDe se

    chaulai ka sag kupaT kar lao nan

    masi dahi bilona

    beTa khet se aata hoga

    abhi bahu chillaegi

    dekho suraj

    kachchi diwaron ke pichhe jhank raha hai

    aaj diya kya sari raat jalaya tha

    diye mein qatra tel nahin hai

    ab kya hoga

    abhi bahu chillaegi

    thoDi dhup utar aai hai

    aadhi chatai kal bin li thi

    nai munj kal raat hi laDka laya hai

    achchhi munj hai

    is se hatheli kam chhilti hai

    poren kam zaKHmi hoti hain

    aadhi chatai baqi hai

    uTTho masi munj rango

    abhi bahu chillaegi

    puri dhup utar aai hai

    kanTe chunne indhan lane jangal bhi to jaana hai

    bakri ki pewsi jo raat jamai thi

    wo beTi ke ghar kab bhejogi

    masi tumhaare honT bhinche hue kyon hain

    khokhle sine pople munh ki dhonkni aaKHir band hai kyon

    KHufiya jeb ki nichli tah mein

    chhipi hui ek umr ki punji

    das ka patta

    gala hua bad-rang sa kaghaz

    jis ke liye tumhaari nun

    sukha mas khakhoD rahi hai

    masi ab uTh jao na

    masi dahi bilona

    KHali nand ki basi KHushbu

    suna baDa

    bhuki gay

    tumhein bulati hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now