aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

ek kahani bahut purani

Iftikhar Arif

ek kahani bahut purani

Iftikhar Arif

MORE BYIftikhar Arif

    ajab din the

    ajab nā-mehrbāñ din the bahut nā-mehrbāñ din the

    zamāne mujh se kahte the zamīneñ mujh se kahtī thiiñ

    maiñ ik be-bas qabīle bahut tanhā musāfir huuñ

    vo be-manzil musāfir huuñ jise ik ghar nahīñ miltā

    maiñ us raste raahī huuñ jise rahbar nahīñ miltā

    magar koī musalsal dil pe ik dastak diye jaatā thā kahtā thā musāfir!

    is qadar nā-mutma.in rahne se kyā hogā

    malāl aisā bhī kyā jo zehn ko har ḳhvāb se mahrūm kar de

    jamāl-e-bāġh-e-ā.inda ke har imkān ko ma.adūm kar de

    gul-e-fardā ko fasl-e-rañg meñ masmūm kar de

    dilāse isī āvāz se saarī thakan kam ho ga.ī thī aur

    dil ko phir qarār aane lagā thā

    safar zād-e-safar shauq-e-safar par e'tibār aane lagā thā

    maiñ ḳhush-qismat thā

    kaisī sā.at-e-ḳhush-rañg o ḳhush-āsār meñ mujh ko

    mire be-bas bahut tanhā qabīle ko nayā ghar mil gayā thā

    ek rahbar mil gayā thā

    ek manzil mil ga.ī thī aur imkānoñ bharā ḳhvāboñ se ummīdoñ se raushan

    ek manzar mil gayā thā

    ajab din the

    ajab na-mehrban din the bahut na-mehrban din the

    zamane mujh se kahte the zaminen mujh se kahti thin

    main ek be-bas qabile ka bahut tanha musafir hun

    wo be-manzil musafir hun jise ek ghar nahin milta

    main us raste ka rahi hun jise rahbar nahin milta

    magar koi musalsal dil pe ek dastak diye jata tha kahta tha musafir!

    is qadar na-mutmain rahne se kya hoga

    malal aisa bhi kya jo zehn ko har KHwab se mahrum kar de

    jamal-e-bagh-e-ainda ke har imkan ko madum kar de

    gul-e-farda ko fasl-e-rang mein masmum kar de

    dilase ki isi aawaz se sari thakan kam ho gai thi aur

    dil ko phir qarar aane laga tha

    safar zad-e-safar shauq-e-safar par e'tibar aane laga tha

    main KHush-qismat tha

    kaisi saat-e-KHush-rang o KHush-asar mein mujh ko

    mere be-bas bahut tanha qabile ko naya ghar mil gaya tha

    ek rahbar mil gaya tha

    ek manzil mil gai thi aur imkanon bhara KHwabon se ummidon se raushan

    ek manzar mil gaya tha

    Source:

    Kitab-e-Dil-O-Dunya (Pg. 545)

    • Author: Iftikhar Arif
      • Edition: 2012
      • Publisher: Pakistan Publishing House
      • Year of Publication: 2012
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now