ek nau-jawan ke nam

tire sofe haiñ afrañgī tire qālīñ haiñ īrānī

lahū mujh ko rulātī hai javānoñ kī tan-āsānī

imārat kiyā shikva-e-ḳhusravī bhī ho to kyā hāsil

na zor-e-haidarī tujh meñ na istiġhnā-e-salmānī

na DhūñD us chiiz ko tahzīb-e-hāzir kī tajallī meñ

ki paayā maiñ ne istiġhnā meñ merāj-e-musalmānī

uqābī ruuh jab bedār hotī hai javānoñ meñ

nazar aatī hai un ko apnī manzil āsmānoñ meñ

na ho naumīd naumīdī zavāl-e-ilm-o-irfāñ hai

umīd-e-mard-e-momin hai ḳhudā ke rāz-dānoñ meñ

nahīñ terā nasheman qasr-e-sultānī ke gumbad par

tū shāhīñ hai baserā kar pahāḌoñ kī chaTānoñ meñ

tere sofe hain afrangi tere qalin hain irani

lahu mujh ko rulati hai jawanon ki tan-asani

imarat kiya shikwa-e-KHusrawi bhi ho to kya hasil

na zor-e-haidari tujh mein na istighna-e-salmani

na DhunD us chiz ko tahzib-e-hazir ki tajalli mein

ki paya main ne istighna mein meraj-e-musalmani

uqabi ruh jab bedar hoti hai jawanon mein

nazar aati hai un ko apni manzil aasmanon mein

na ho naumid naumidi zawal-e-ilm-o-irfan hai

umid-e-mard-e-momin hai KHuda ke raaz-danon mein

nahin tera nasheman qasr-e-sultani ke gumbad par

tu shahin hai basera kar pahaDon ki chaTanon mein