aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

fasad-e-zat

Mustafa Zaidi

fasad-e-zat

Mustafa Zaidi

MORE BYMustafa Zaidi

    darīda-pairahanī kal bhī thī aur aaj bhī hai

    magar vo aur sabab thā ye aur qissa hai

    ye raat aur hai vo raat aur thī jis meñ

    har ek ashk meñ sārañgiyāñ bajtī thiiñ

    ajiib lazzat-e-nazzāra thī hijāb ke saath

    har ek zaḳhm mahaktā thā māhtāb ke saath

    yahī hayāt-e-gurezāñ baḌī suhānī thī

    na tum se rañj na apne se bad-gumānī thī

    shikāyat aaj bhī tum se nahīñ ki mahrūmī

    tumhāre dar se na miltī to ghar se mil jaatī

    tumhārā ahd agar ustuvār hotā

    to phir bhī dāman-e-dil taar taar hotā

    ḳhud apnī zaat nāḳhun ḳhud apnī zaat zaḳhm

    ḳhud apnā dil rag-e-jāñ aur ḳhud apnā dil nashtar

    fasād-e-ḳhalq bhī ḳhud aur fasād-e-zāt bhī ḳhud

    safar vaqt bhī ḳhud jañgaloñ raat bhī ḳhud

    tumhārī sañg-dilī se ḳhafā nahīñ hote

    ki ham se apne va.ade vafā nahīñ hote

    darida-pairahani kal bhi thi aur aaj bhi hai

    magar wo aur sabab tha ye aur qissa hai

    ye raat aur hai wo raat aur thi jis mein

    har ek ashk mein sarangiyan si bajti thin

    ajib lazzat-e-nazzara thi hijab ke sath

    har ek zaKHm mahakta tha mahtab ke sath

    yahi hayat-e-gurezan baDi suhani thi

    na tum se ranj na apne se bad-gumani thi

    shikayat aaj bhi tum se nahin ki mahrumi

    tumhaare dar se na milti to ghar se mil jati

    tumhaara ahd agar ustuwar hi hota

    to phir bhi daman-e-dil tar tar hi hota

    KHud apni zat hi naKHun KHud apni zat hi zaKHm

    KHud apna dil rag-e-jaan aur KHud apna dil nashtar

    fasad-e-KHalq bhi KHud aur fasad-e-zat bhi KHud

    safar ka waqt bhi KHud jangalon ki raat bhi KHud

    tumhaari sang-dili se KHafa nahin hote

    ki hum se apne hi wade wafa nahin hote

    Source:

    kulliyat-e-mustafa zaidii(roshni) (Pg. 117)

    • Author: mustafa zaidii
      • Edition: 2011
      • Publisher: al hamad publication
      • Year of Publication: 2011
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now