aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

ek buDha

Zia Zameer

ek buDha

Zia Zameer

MORE BYZia Zameer

    ik būḌhā bistar-e-marg pe hai

    bīmār badan lāchār badan

    sāñseñ bhī kuchh bojhal haiñ

    aur āñkheñ bhī jal-thal haiñ

    aisā bhī nahīñ tanhā hai vo

    paanī hai magar pyāsā hai vo

    ghar meñ bahūveñ beTe bhī haiñ

    haiñ potiyāñ bhī pote bhī haiñ

    lekin koī paas nahīñ aatā

    sab jhāñkte haiñ chale jaate haiñ

    jaise ye is ghar nahīñ

    jaise vo sab begāne haiñ

    jis bahū number hotā hai

    khāne ke nivāle Thūñs ke vo

    farz apnā mukammal kartī hai

    phir vaqt pe koī ik beTā

    vo jis ko thoḌī fursat ho

    pahle to aa kar DāñTtā hai

    detā hai davā.ī phir aise

    jaise ehsān kare koī

    jaise apmān kare koī

    har din ye būḌhā sochtā hai

    koī baat na.ī ho aaj ke din

    koī do mīThe alfāz kahe

    kabhī mahfil us ke paas saje

    kabhī hañsne koī baat chale

    magar aisā pichhle barsoñ meñ

    kabhī ho paayā nahīñ ho paayā

    apne us begāne-pan par

    apne us vīrāne-pan par

    ye būḌhā inkishāf rahtā hai

    ye būḌhā rotā rahtā hai

    ik būḌhā bistar-e-marg pe hai

    ek buDha bistar-e-marg pe hai

    bimar badan lachaar badan

    sansen bhi kuchh bojhal si hain

    aur aankhen bhi jal-thal si hain

    aisa bhi nahin tanha hai wo

    pani hai magar pyasa hai wo

    ghar mein bahuwen beTe bhi hain

    hain potiyan bhi pote bhi hain

    lekin koi pas nahin aata

    sab jhankte hain chale jate hain

    jaise ye is ka ghar hi nahin

    jaise wo sab begane hain

    jis bahu ka number hota hai

    khane ke niwale Thuns ke wo

    farz apna mukammal karti hai

    phir waqt pe koi ek beTa

    wo jis ko thoDi fursat ho

    pahle to aa kar DanTta hai

    deta hai dawai phir aise

    jaise ehsan kare koi

    jaise apman kare koi

    har din ye buDha sochta hai

    koi baat nai ho aaj ke din

    koi do miThe alfaz kahe

    kabhi mahfil us ke pas saje

    kabhi hansne ki koi baat chale

    magar aisa pichhle barson mein

    kabhi ho paya nahin ho paya

    apne us begane-pan par

    apne us virane-pan par

    ye buDha inkishaf rahta hai

    ye buDha rota rahta hai

    ek buDha bistar-e-marg pe hai

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now