aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

marhum aur mahrum

Zubair Ali Tabish

marhum aur mahrum

Zubair Ali Tabish

MORE BYZubair Ali Tabish

    mirī hayāt ye hai aur ye tumhārī qazā

    ziyāda kis se kahūñ aur kis ko kam bolo

    tum ahl-e-ḳhāna rahe aur maiñ yatīm huā

    tumhārā dard baḌā hai merā ġham bolo

    tumhārā daur thā ghar meñ bahār hañstī thī

    abhī to dar pe faqat ranj-o-ġham dastak hai

    tumhāre saath mausam baḌā hasīn rahā

    tumhāre baad mausam baḌā bhayānak hai

    hazāroñ qarz the mujh par tumhārī ulfat ke

    mujhe vo qarz chukāne mauqa to dete

    tumhārā ḳhuun mire jism meñ machaltā rahā

    zarā se qatre bahāne mauqa to dete

    baḌe sukūn se tum so ga.e vahāñ kar

    ye kaise niiñd tumheñ aa ga.ī na.e ghar meñ

    har ek shab maiñ faqat karvaTeñ badaltā huuñ

    tumhārī qabr ke kañkar hoñ jaise bistar meñ

    maiñ bojh kāñdhoñ pe aise uThā ke chaltā huuñ

    tumhārā jaise janāza uThā ke chaltā thā

    yahāñ pe merī pareshānī sirf merī hai

    vahāñ koī na koī kāñdhā to badaltā thā

    tumhārī sham-e-tamannā bas ek raat bujhī

    charāġh merī tavaqqo.a ke roz bujhte haiñ

    maiñ saañs luuñ bhī to kaise ki merī sāñsoñ meñ

    tumhārī Dūbtī sāñsoñ ke tiir chubhte haiñ

    maiñ jab bhī chhūtā huuñ apne badan miTTī ko

    to lams phir usī ThanDe badan hotā hai

    libās roz badaltā huuñ maiñ bhī sab tarah

    magar ḳhayāl tumhāre kafan hotā hai

    bahut tavīl kahānī hai merī hastī

    tumhārī maut to ik muḳhtasar fasāna hai

    vo jis galī se janāza tumhārā niklā thā

    usī galī se mirā roz aanā jaanā hai

    maiñ koī raah huuñ tum raah dekhne vaale

    ki muntazir to marā par na intizār marā

    tumhārī maut mirī zindagī se behtar hai

    tum ek baar mare maiñ to baar baar marā

    meri hayat ye hai aur ye tumhaari qaza

    ziyaada kis se kahun aur kis ko kam bolo

    tum ahl-e-KHana rahe aur main yatim hua

    tumhaara dard baDa hai ya mera gham bolo

    tumhaara daur tha ghar mein bahaar hansti thi

    abhi to dar pe faqat ranj-o-gham ki dastak hai

    tumhaare sath ka mausam baDa hasin raha

    tumhaare baad ka mausam baDa bhayanak hai

    hazaron qarz the mujh par tumhaari ulfat ke

    mujhe wo qarz chukane ka mauqa to dete

    tumhaara KHun mere jism mein machalta raha

    zara se qatre bahane ka mauqa to dete

    baDe sukun se tum so gae wahan ja kar

    ye kaise nind tumhein aa gai nae ghar mein

    har ek shab main faqat karwaTen badalta hun

    tumhaari qabr ke kankar hon jaise bistar mein

    main bojh kandhon pe aise uTha ke chalta hun

    tumhaara jaise janaza uTha ke chalta tha

    yahan pe meri pareshani sirf meri hai

    wahan koi na koi kandha to badalta tha

    tumhaari sham-e-tamanna bas ek raat bujhi

    charagh meri tawaqqoa ke roz bujhte hain

    main sans lun bhi to kaise ki meri sanson mein

    tumhaari Dubti sanson ke tir chubhte hain

    main jab bhi chhuta hun apne badan ki miTTi ko

    to lams phir usi ThanDe badan ka hota hai

    libas roz badalta hun main bhi sab ki tarah

    magar KHayal tumhaare kafan ka hota hai

    bahut tawil kahani hai meri hasti ki

    tumhaari maut to ek muKHtasar fasana hai

    wo jis gali se janaza tumhaara nikla tha

    usi gali se mera roz aana jaana hai

    main koi rah hun tum rah dekhne wale

    ki muntazir to mara par na intizar mara

    tumhaari maut meri zindagi se behtar hai

    tum ek bar mare main to bar bar mara

    Videos
    This video is playing from YouTube

    Videos
    This video is playing from YouTube

    Zubair Ali Tabish

    Zubair Ali Tabish

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now