haarun ki aawaz

Himayat Ali Shayar

haarun ki aawaz

Himayat Ali Shayar

MORE BY Himayat Ali Shayar

    dekho abhī hai vādī-e-kan.āñ nigāh meñ

    taaza har ek naqsh-e-kaf-e-pā hai raah meñ

    yāqūb be-basar sahī yūsuf chaah meñ

    lahrā rahā hai aaj bhī turra kulāh meñ

    ye turra gir gayā to ulaT jā.egī zamīñ

    mahvar se apne aur bhī haT jā.egī zamīñ

    tārīḳh ke safar meñ ġhalat bhī qadam uThe

    gaahe libās-e-faqr meñ ahl-e-hasham uThe

    gaahe sanam-tarāsh ba-nām-e-haram uThe

    parde nigāh ke bhī magar besh o kam uThe

    yuuñ bhī huā dahā.ī ikaa.ī meñ Dhal ga.ī

    ḳhurshīd ke alaao meñ har shai pighal ga.ī

    jab yuuñ na ho sakā to ye tārīḳh hai gavāh

    uTThe asā-ba-dast ġhulmān-e-kaj-kulāh

    zer-e-zamīñ kushāda huī zindagī raah

    aur kuchh na kar sakī kisī fir.aun sipāh

    har mauj-e-nīl saañp bal khā ke rah ga.ī

    ahrām nigāh bhī pathrā ke rah ga.ī

    azdād ye jañg usūl-e-qadīm hai

    aur ab ki aadmī ikaa.ī do-nīm hai

    aflāk ke tale sahī miTTī aziim hai

    hārūn zabān bhī lauh-e-kalīm hai

    had se guzar na jaa.eñ kahīñ kam-tarīn log

    muusā ke intizār meñ haiñ be-zamīn log

    dekho abhi hai wadi-e-kanan nigah mein

    taza har ek naqsh-e-kaf-e-pa hai rah mein

    yaqub be-basar sahi yusuf ki chah mein

    lahra raha hai aaj bhi turra kulah mein

    ye turra gir gaya to ulaT jaegi zamin

    mahwar se apne aur bhi haT jaegi zamin

    tariKH ke safar mein ghalat bhi qadam uThe

    gahe libas-e-faqr mein ahl-e-hasham uThe

    gahe sanam-tarash ba-nam-e-haram uThe

    parde nigah ke bhi magar besh o kam uThe

    yun bhi hua dahai ikai mein Dhal gai

    KHurshid ke alao mein har shai pighal gai

    jab yun na ho saka to ye tariKH hai gawah

    uTThe asa-ba-dast ghulman-e-kaj-kulah

    zer-e-zamin kushada hui zindagi ki rah

    aur kuchh na kar saki kisi firaun ki sipah

    har mauj-e-nil sanp si bal kha ke rah gai

    ahram ki nigah bhi pathra ke rah gai

    azdad ki ye jang usul-e-qadim hai

    aur ab ki aadmi ki ikai do-nim hai

    aflak ke tale sahi miTTi azim hai

    haarun ki zaban bhi lauh-e-kalim hai

    had se guzar na jaen kahin kam-tarin log

    musa ke intizar mein hain be-zamin log

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY