hum donon shahid hain

vo rishta

nāgahāñ tum ko

siyah-kārī nazar aane lagā

aur ruuh par bhārī nazar aane lagā

ye sehr hai yā ḳhauf hai

us kaale koThe kī ziyārat kā

vagarna

is se pahle bhī ḳhudā maujūd thā

ham donoñ shāhid haiñ

ḳhudā maujūd thā

aur ham ne sidq-e-dil se aksar

ḳhalvat-o-jalvat meñ

is ik jumle kī takrār-e-seh-gāna adā bhī kī

nahīñ thā kuchh

to qīl-o-qāl 'amāma vaale kī

gavāhī

do siyānoñ kī

razā-mandī diloñ kī

un kī nā-maujūdgī se rūnumā

ik ḳhauf thā

jo 'ahd-e-rafta kā vo rishta

ruuh par bhārī nazar aane lagā

varna ḳhudā

us kaale koThe se hazāroñ saal pahle bhī sadā maujūd thā

wo rishta

nagahan tum ko

siyah-kari nazar aane laga

aur ruh par bhaari nazar aane laga

ye sehr hai ya KHauf hai

us kale koThe ki ziyarat ka

wagarna

is se pahle bhi KHuda maujud tha

hum donon shahid hain

KHuda maujud tha

aur hum ne sidq-e-dil se aksar

KHalwat-o-jalwat mein

is ek jumle ki takrar-e-seh-gana ada bhi ki

nahin tha kuchh

to qil-o-qal 'amama wale ki

gawahi

do siyanon ki

raza-mandi dilon ki

un ki na-maujudgi se runuma

ek KHauf tha

jo 'ahd-e-rafta ka wo rishta

ruh par bhaari nazar aane laga

warna KHuda

us kale koThe se hazaron sal pahle bhi sada maujud tha