hum kasi se puchhe baghair zinda rahte hain

Afzal Ahmad Syed

hum kasi se puchhe baghair zinda rahte hain

Afzal Ahmad Syed

MORE BYAfzal Ahmad Syed

    ḳhanjar ke phal par

    ek taraf tumhārā naam likhā hai

    aur dūsrī taraf merā

    jinheñ paḌhnā aatā hai

    hameñ batāte haiñ

    hameñ qatl kar diyā jā.egā

    jo daraḳht ugātā hai

    hameñ ek seb de detā hai

    ham ḳhanjar se seb ke

    do TukḌe kar dete haiñ

    ham kisī se pūchhe baġhair zinda rahte haiñ

    aur kisī ko batā.e baġhair

    mohabbat karte haiñ

    maiñ ne gintī sīkhī

    aur yaad rakhā

    tum tak pahuñchne ke liye mujhe

    kitnī sīḌhiyāñ tai karnī paḌtī haiñ

    ek din tum ye saarī sīḌhiyāñ

    nazmoñ kitāb meñ rakh kar

    mujhe de dogī

    ek din maiñ tumheñ batā.ūñgā

    samundar vahāñ se shurūa hotā hai

    jahāñ se ḳhushkī nazar aanī ḳhatm ho jaa.e

    phir ham jab chāheñge

    nazmoñ kitāb se

    ek varaq phaaḌ kar kashtī banā leñge

    aur

    dūsrā varaq phaaḌ kar

    samundar

    phir ham jab chāheñge

    zamīn gardish rok kar

    raqs karne lageñge

    nāchte hue aadmī ke dil nishāna

    mushkil se liyā saktā hai

    KHanjar ke phal par

    ek taraf tumhaara nam likha hai

    aur dusri taraf mera

    jinhen paDhna aata hai

    hamein batate hain

    hamein qatl kar diya jaega

    jo daraKHt ugata hai

    hamein ek seb de deta hai

    hum KHanjar se seb ke

    do TukDe kar dete hain

    hum kisi se puchhe baghair zinda rahte hain

    aur kisi ko batae baghair

    mohabbat karte hain

    main ne ginti sikhi

    aur yaad rakha

    tum tak pahunchne ke liye mujhe

    kitni siDhiyan tai karni paDti hain

    ek din tum ye sari siDhiyan

    nazmon ki kitab mein rakh kar

    mujhe de dogi

    ek din main tumhein bataunga

    samundar wahan se shurua hota hai

    jahan se KHushki nazar aani KHatm ho jae

    phir hum jab chahenge

    nazmon ki kitab se

    ek waraq phaD kar kashti bana lenge

    aur

    dusra waraq phaD kar

    samundar

    phir hum jab chahenge

    zamin ki gardish rok kar

    raqs karne lagenge

    nachte hue aadmi ke dil ka nishana

    mushkil se liya ja sakta hai

    Source:

    • Book : AN EVENING OF CAGED BEASTS (Pg. 32)
    • Author : Asif Farrukhi
    • Publication : Ameena Saiyid, Oxford University (1999)
    • Edition : 1999
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY