aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

ham-zad

Ahmed Shamim

ham-zad

Ahmed Shamim

MORE BYAhmed Shamim

    barq-pā lamhoñ ik zanjīr meñ jakḌā huā

    vo shikasta-pā unhī rastoñ se guzrā

    aur nādīda ḳhudāoñ hujūm

    ḳhanda-zan āñkhoñ se us nā-rasā.ī tamāshā dekh

    kar kahtā rahā

    ne chāhā thā magar tere muqaddar meñ na thā

    jaise us bebasī meñ vo kabhī shāmil na the

    vo kahāñ gum ho gayā

    koī naqsh-e-pā nahīñ jis zabāñ

    ek harf-e-nā-shunīda kahe

    aur maiñ din-rāt ke sahrā meñ

    us ko DhūñDh kar paane koī aarzū le chalūñ

    rāstoñ par koī naqsh-e-pā nahīñ

    koī nishāñ baaqī nahīñ

    naqsh gar lamhoñ har tahrīr

    dast-e-be-nishāñ ke lams qātil fasāna ban ga.ī

    shahr ke logoñ

    tumhāre rauzan-e-chāk-e-jigar bhī band haiñ

    tum meñ har ik ne kisī ḳhisht-e-tamannā

    sañg-e-nafrat se

    ye chashm-e-rauzan-e-dil band kar ke

    āḳhirī ummīd sūraj bujhā kar rakh diyā

    aur ab lazzāt duniyā meñ gum

    sūd-o-saudā asīrī par

    razā-mand tauq-e-be-nishāñ pahne hue

    ḳhush ho ki jannat mil ga.ī

    maiñ akelā

    tañg rāhoñ sañg-dil saḌkoñ pe

    us ko DhūñDne kaise chalūñ

    koī naqsh-e-pā nahīñ miltā mujhe

    aur saarā shahr ye goyā daraḳhtoñ bharā jañgal

    faqat shor-e-abas silsila hai

    koī harf-e-nā-shunīda se nahīñ vāqif yahāñ

    lahza lahz tīra-tar hotī huī ye shaam bhī

    raat ke qulzum meñ gir kar be-nishāñ ho jā.egī

    aur ik mauj-e-fanā is raat se tārīk-tar

    is bhare jañgal chamakte shahr par chhā jā.egī

    ek maiñ huuñ rāhat ḳhvāb-e-shabīna

    merī qismat meñ nahīñ

    dopahar dhuup

    shab tīrgī

    merā muqaddar ban ga.ī

    raat ko phir

    sa.i-e-lā-hāsil zaḳhm lā-davā

    un siyah-rastoñ pe us justujū karne mujhe le aa.egā

    ūñghī saḌkoñ pe apnī chaap sun kar

    phir mire dil vahī zaḳhm-e-kuhan

    sad-zabān ho jā.egā

    kaun merī dāstāñ sun le ki maiñ

    us ko paane tamannā ke tufail

    is bhare jañgal meñ tanhā huuñ

    koī bhī rāz-dāñ merā nahīñ

    dopahar dhuup meñ

    us ne kyuuñ yuuñ muzmahil nazroñ se dekhā thā mujhe

    us āñkhoñ meñ sisaktī ruuh

    kyuuñ mere liye chāk-e-jigar ban kar rahī

    kaash ye chāk-e-jigar chāk-e-garebāñ ban sake

    taaki merī sa.i-e-lā-hāsil zaḳhm lā-davā

    lazzat āvārgī ta.ana-e-qātil na bin jaa.e kahīñ

    shahr vaale ḳhush haiñ

    chashm-e-rauzan-e-dil ab kisī ḳhisht-e-tamannā

    tūda-e-ummīd sañg-e-ārzū se band hai

    ek maiñ huuñ merā chāk-e-dil

    kisī sozan se siltā nahīñ

    ye kisī sañg-e-tamannā tūda-e-ummīd se bhartā nahīñ

    aur jis justujū meñ rāt-din

    barg-e-āvāra banā phirtā huuñ maiñ

    us naqsh-e-pā kahīñ miltā nahīñ

    us naqsh-e-pā kahīñ miltā nahīñ

    barq-pa lamhon ki ek zanjir mein jakDa hua

    wo shikasta-pa unhi raston se guzra

    aur nadida KHudaon ka hujum

    KHanda-zan aankhon se us ki na-rasai ka tamasha dekh

    kar kahta raha

    tu ne chaha tha magar tere muqaddar mein na tha

    jaise us ki bebasi mein wo kabhi shamil na the

    wo kahan gum ho gaya

    koi naqsh-e-pa nahin jis ki zaban

    ek harf-e-na-shunida hi kahe

    aur main din-raat ke sahra mein

    us ko DhunDh kar pane ki koi aarzu le chalun

    raston par koi naqsh-e-pa nahin

    koi nishan baqi nahin

    naqsh gar lamhon ki har tahrir

    dast-e-be-nishan ke lams qatil ka fasana ban gai

    shahr ke logon

    tumhaare rauzan-e-chaak-e-jigar bhi band hain

    tum mein har ek ne kisi KHisht-e-tamanna

    sang-e-nafrat se

    ye chashm-e-rauzan-e-dil band kar ke

    aaKHiri ummid ka suraj bujha kar rakh diya

    aur ab lazzat ki duniya mein gum

    sud-o-sauda ki asiri par

    raza-mand ka tauq-e-be-nishan pahne hue

    KHush ho ki jannat mil gai

    main akela

    tang rahon sang-dil saDkon pe

    us ko DhunDne kaise chalun

    koi naqsh-e-pa nahin milta mujhe

    aur sara shahr ye goya daraKHton ka bhara jangal

    faqat shor-e-abas ka silsila hai

    koi harf-e-na-shunida se nahin waqif yahan

    lahza lahz tira-tar hoti hui ye sham bhi

    raat ke qulzum mein gir kar be-nishan ho jaegi

    aur ek mauj-e-fana is raat se tarik-tar

    is bhare jangal chamakte shahr par chha jaegi

    ek main hun rahat KHwab-e-shabina

    meri qismat mein nahin

    dopahar ki dhup

    shab ki tirgi

    mera muqaddar ban gai

    raat ko phir

    sai-e-la-hasil ka zaKHm la-dawa

    un siyah-raston pe us ki justuju karne mujhe le aaega

    unghi saDkon pe apni chap sun kar

    phir mere dil ka wahi zaKHm-e-kuhan

    sad-zaban ho jaega

    kaun meri dastan sun le ki main

    us ko pane ki tamanna ke tufail

    is bhare jangal mein tanha hun

    koi bhi raaz-dan mera nahin

    dopahar ki dhup mein

    us ne kyun yun muzmahil nazron se dekha tha mujhe

    us ki aankhon mein sisakti ruh

    kyun mere liye chaak-e-jigar ban kar rahi

    kash ye chaak-e-jigar chaak-e-gareban ban sake

    taki meri sai-e-la-hasil ka zaKHm la-dawa

    lazzat aawargi ka tana-e-qatil na bin jae kahin

    shahr wale KHush hain

    chashm-e-rauzan-e-dil ab kisi KHisht-e-tamanna

    tuda-e-ummid sang-e-arzu se band hai

    ek main hun mera chaak-e-dil

    kisi sozan se silta hi nahin

    ye kisi sang-e-tamanna tuda-e-ummid se bharta nahin

    aur jis ki justuju mein raat-din

    barg-e-awara bana phirta hun main

    us ka naqsh-e-pa kahin milta nahin

    us ka naqsh-e-pa kahin milta nahin

    Source:

    Pakistani Adab (Pg. 83)

    • Author: Dr. Rashid Amjad
      • Edition: 2009
      • Publisher: Pakistan Academy of Letters, Islambad, Pakistan
      • Year of Publication: 2009
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now