hamara pyara watan

hindostān pyārā pyārā vatan hamārā

ye jaan hai hamārī ye tan-badan hamārā

is kī zamīñ nirālī is kā falak nirālā

is des kā ho yā-rab duniyā meñ bol-bālā

manzar yahāñ huvaidā kul kā.enāt ke haiñ

dariyā yahāñ ke kyā haiñ chashme hayāt ke haiñ

sarsabz vādiyāñ haiñ shādāb haiñ bayābāñ

kyā ḳhuub haiñ yahāñ ke jangal pahāḌ maidāñ

pyārī haiñ mohnī haiñ din-rāt kī bahāreñ

dil ko lubhā rahī haiñ barsāt kī bahāreñ

duniyā meñ sab se ūñchā parbat himaliya hai

is se vatan hamārā duniyā se baḌh gayā hai

har chiiz hai nirālī har shai meñ bāñkpan hai

hindostān nahīñ hai jannat kā ye chaman hai

kaalī ghaTā.eñ is kī ḳhushiyāñ baḌhā rahī haiñ

ThanDī havā.eñ dil kī kaliyāñ khilā rahī haiñ

aao vatan kā beḌā koshish se paar kar deñ

phailā.eñ phir jahāñ meñ ham nek-nām is kā

duniyā kī ho nazar meñ ūñchā maqām is kā

hindostāñ kā rutba 'nayyar' bahut baḌā hai

zarra bhī is zamīñ kā ḳhurshīd se sivā hai

hindostan pyara pyara watan hamara

ye jaan hai hamari ye tan-badan hamara

is ki zamin nirali is ka falak nirala

is des ka ho ya-rab duniya mein bol-baala

manzar yahan huwaida kul kaenat ke hain

dariya yahan ke kya hain chashme hayat ke hain

sarsabz wadiyan hain shadab hain bayaban

kya KHub hain yahan ke jangal pahaD maidan

pyari hain mohni hain din-raat ki bahaaren

dil ko lubha rahi hain barsat ki bahaaren

duniya mein sab se uncha parbat himaliya hai

is se watan hamara duniya se baDh gaya hai

har chiz hai nirali har shai mein bankpan hai

hindostan nahin hai jannat ka ye chaman hai

kali ghaTaen is ki KHushiyan baDha rahi hain

ThanDi hawaen dil ki kaliyan khila rahi hain

aao watan ka beDa koshish se par kar den

phailaen phir jahan mein hum nek-nam is ka

duniya ki ho nazar mein uncha maqam is ka

hindostan ka rutba 'nayyar' bahut baDa hai

zarra bhi is zamin ka KHurshid se siwa hai