aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

hawa aur suraj ka muqabla

Ismail Merathi

hawa aur suraj ka muqabla

Ismail Merathi

MORE BYIsmail Merathi

    ik musāfir apnī dhun meñ thā ravāñ

    us ko in donoñ ne taakā nā-gahāñ

    ho ga.e aapas meñ tai qaul-o-qarār

    jo labāda le musāfir utaar

    bas usī ke naam Dañkā baje

    sar pe dastār-e-fazīlat vo saje

    phir to āñdhī ban ke chal niklī havā

    aisī biphrī kar diyā tūfāñ bapā

    ūñche ūñche peḌ tharrāne lage

    jhok se jhokoñ charrāne lage

    naunihāloñ kamar bal khā ga.ī

    phuul pattoñ par qayāmat aa ga.ī

    kaañp uThe us dasht ke kul vahsh o tair

    māñgte the apne apne dam ḳhair

    ho gayā dāmān-e-sahrā gard-bard

    ghir gayā aafat meñ vo sahrā-navard

    chāhtī thī luuñ libāde ko uchak

    mudda.ī ko duuñ sar-e-maidān zak

    jab havā letī thī chakkar meñ lapeT

    baiTh jaatā thā vo dāman ko sameT

    sīna-zori se na chorī se Darī

    kar sakī lekin na kuchh ġhārat-garī

    bāñdh kas kar musāfir ne kamar

    havā ho na kapḌoñ meñ guzar

    thak ga.ī āḳhir na us bas chalā

    Tal ga.ī sar se musāfir ke balā

    ab thamā jhakkaḌ to niklā āftāb

    rū-e-nūrānī se sarkā.ī naqāb

    tamkanat chehre se us ke āshkār

    chaal meñ ik burd-bārī aur vaqār

    vo havā na thī yaañ dhūm-dhām

    kar rahā thā chupke chupke apnā kaam

    dhīmī dhīmī kirneñ chamkāne lagā

    rafta rafta sab ko garmāne lagā

    us musāfir ko pasīna aa gayā

    khol Daale band ghabrā gayā

    aur aage ko baḌhā to dhuup se

    tan-badan meñ kuchh patañge se lage

    ab libāde ko liyā kāñdhe pe Daal

    badlī yuuñ naubat ba naubat chāl-Dhāl

    jab chaḌhā ḳhurshīd samt-u-rrās par

    baiTh kar saa.e meñ phir to ghaas par

    duur pheñkā us libāde ko utaar

    vāh-re sūraj liyā maidān maar

    tezī-o-tundī ke girvīda haiñ sab

    kāmyābī magar hai aur Dhab

    us gur hai narmī o āhistagī

    sar-kashī rag usī se hai dabī

    ek musafir apni dhun mein tha rawan

    us ko in donon ne taka na-gahan

    ho gae aapas mein tai qaul-o-qarar

    jo labaada le musafir ka utar

    bas usi ke nam ka Danka baje

    sar pe dastar-e-fazilat wo saje

    phir to aandhi ban ke chal nikli hawa

    aisi biphri kar diya tufan bapa

    unche unche peD tharrane lage

    jhok se jhokon ki charrane lage

    naunihaalon ki kamar bal kha gai

    phul patton par qayamat aa gai

    kanp uThe us dasht ke kul wahsh o tair

    mangte the apne apne dam ki KHair

    ho gaya daman-e-sahra gard-bard

    ghir gaya aafat mein wo sahra-naward

    chahti thi lun libaade ko uchak

    muddai ko dun sar-e-maidan zak

    jab hawa leti thi chakkar mein lapeT

    baiTh jata tha wo daman ko sameT

    sina-zori se na chori se Dari

    kar saki lekin na kuchh ghaarat-gari

    bandh li kas kar musafir ne kamar

    ta hawa ka ho na kapDon mein guzar

    thak gai aaKHir na us ka bas chala

    Tal gai sar se musafir ke bala

    ab thama jhakkaD to nikla aaftab

    ru-e-nurani se sarkai naqab

    tamkanat chehre se us ke aashkar

    chaal mein ek burd-bari aur waqar

    wo hawa ki si na thi yan dhum-dham

    kar raha tha chupke chupke apna kaam

    dhimi dhimi kirnen chamkane laga

    rafta rafta sab ko garmane laga

    us musafir ko pasina aa gaya

    khol Dale band ji ghabra gaya

    aur aage ko baDha to dhup se

    tan-badan mein kuchh patange se lage

    ab libaade ko liya kandhe pe Dal

    badli yun naubat ba naubat chaal-Dhaal

    jab chaDha KHurshid samt-u-rras par

    baiTh kar sae mein phir to ghas par

    dur phenka us libaade ko utar

    wah-re suraj liya maidan mar

    tezi-o-tundi ke girwida hain sab

    kaamyabi ka magar hai aur Dhab

    us ka gur hai narmi o aahistagi

    sar-kashi ki rag usi se hai dabi

    Source:

    Bchchaun ke ismail meruthi (Pg. 64)

    related content

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now