aaj ik aur baras biit gayā us ke baġhair

jis ke hote hue hote the zamāne mere

رد کریں ڈاؤن لوڈ شعر

ہندی ہندوستانی

چندر بھان کیفی دہلوی

ہندی ہندوستانی

چندر بھان کیفی دہلوی

MORE BYچندر بھان کیفی دہلوی

    صاف ستھری زبان ہندی ہے

    خوش بیانی کی جان ہندی ہے

    ہندیوں کا نشان ہندی ہے

    اوج میں آسمان ہندی ہے

    روزمرہ جو بول چال کا ہے

    حسن وہ شوخیٔ خیال کا ہے

    اس کے پھولوں کی تیز ہے خوشبو

    ہر طرف مشک ریز ہے خوشبو

    واقعی عطر بیز ہے خوشبو

    عشرت موج خیز ہے خوشبو

    شکل کیسی حسین ہے اس کی

    برج بھاشا زمین ہے اس کی

    کیا ملنسار ہے مزاج اس کا

    صلح جوئی ہے کام کاج اس کا

    سارے سنسار میں ہے راج اس کا

    سکہ بیٹھا ہوا ہے آج اس کا

    مرہٹی کچھ ہے کچھ ہے پنجابی

    ہے فصاحت میں نطق‌ اعرابی

    فارسی کی سگھڑ سہیلی ہے

    اور ترکی کے ساتھ کھیلی ہے

    جو پسند آئی چیز لے لی ہے

    چیستاں ہے کہیں پہیلی ہے

    لال قلعے میں بیگماتی تھی

    ساتھ شہزادیوں کے جاتی تھی

    دیس بھر کی یہ ایک ہے بانی

    ہندنی ہے نہ یہ مسلمانی

    بول سکتے ہیں اس کو ایرانی

    سیکھ سکتے ہیں سب بہ آسانی

    کچھ ملی ہیں جو ان سے سوغاتیں

    لیڈیوں سے ہیں رات دن باتیں

    کس قدر بول چال ہے سادہ

    سورؔ تلسیؔ تھے اس کے دل دادہ

    کیف زا ہے یہ صورت بادہ

    پی رہا تھا کبیرؔ آزادہ

    رسؔ بہاریؔ تھے گل فشاں اس میں

    اب ہیں کیفیؔ سے خوش بیاں اس میں

    مأخذ:

    Khumnistan-e-kaifi (Pg. B-20 E-51)

    • مصنف: چندر بھان کیفی دہلوی
      • اشاعت: 1951
      • ناشر: مطبوعہ دلی پرنٹنگ ورکس، دہلی
      • سن اشاعت: 1951

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    بولیے