aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

hindostan hamara

Ghaus Khah makhah Hyderabadi

hindostan hamara

Ghaus Khah makhah Hyderabadi

MORE BYGhaus Khah makhah Hyderabadi

    na ye zamīñ hamārī na āsmāñ hamārā

    dozaḳh se kam nahīñ hai jannat-nishāñ hamārā

    sunñā paḌegā sab ko ab to bayāñ hamārā

    hindostāñ ke ham haiñ hindostāñ hamārā

    jantā pe raaj kartī hai dākuoñ Tolī

    vo bach ga.e junūñ se khelī thī ḳhuuñ holī

    ma.asūm shahriyoñ pe jis ne chalā.ī golī

    vo santarī banā hai ab pāsbāñ hamārā

    ġhairoñ se ham ne sīkhā apnoñ ko ġhair rakhnā

    nāmūs haram na pās-e-dair rakhnā

    maz.hab jab sikhā.e aapas meñ bair rakhnā

    baaqī rahegā kaise nām-o-nishāñ hamārā

    maqtūl kyā batā.e hai kaun us qātil

    kab jaane ḳhatm hogī ye jañg-e-haq-o-bātil

    hubb-e-vatan hamāre īmān meñ hai shāmil

    muslim haiñ ham vatan hai saarā jahāñ hamārā

    raushan huī haiñ sham.eñ ham se anjuman meñ

    ġhunche khilā.e ham ne sahrā meñ aur ban meñ

    ai bāġhbāñ batā itne baḌe chaman meñ

    kyā harj hai rahe gar ik āshiyāñ hamārā

    ham ne bhī ḳhuun de kar sīñchā hai is chaman ko

    sar se bañdhā hai ab bhī kholā nahīñ kafan ko

    kahte haiñ aas koī ham se nahīñ vatan ko

    hai koī duur kar de vahm-o-gumāñ hamārā

    go kārvāñ hamārā āmāda-e-safar hai

    raste meñ luT na jaa.e har shaḳhs ko ye Dar hai

    rahzan banā hai rahbar aur raah pur-ḳhatar hai

    manzil pe kaise pahuñchegā kārvāñ hamārā

    pagDanDiyoñ pe chalte haiñ rahguzar nahīñ hai

    tanhā haiñ un koī bhī ham-safar nahīñ hai

    ham shā.iroñ ko dekho rahne ko ghar nahīñ hai

    likhte haiñ shā.irī meñ saarā jahāñ hamārā

    izzat-o-ābrū se jiine azm kar leñ

    apne vatan pe qurbāñ hone azm kar leñ

    maut aa ga.ī to hans kar marne azm kar leñ

    kab tak rahegā āḳhir dil nā-tavāñ hamārā

    jab se huā hai darham-barham nizām apnā

    koī nahīñ jahāñ meñ qā.em-maqām apnā

    sab ke diloñ meñ yaaro ab hai qiyām apnā

    samjho hameñ vahīñ ab dil hai jahāñ hamārā

    jiinā yahāñ sazā hai ab aur ham kaheñ kyā

    gandī fazā meñ kab tak mar mar ke ham ji.eñ kyā

    chīn-o-arab ko le kar ham 'ḳhvāh-maḳhvāh' kareñ kyā

    kaafī hai bas rahe gar hindostāñ hamārā

    na ye zamin hamari na aasman hamara

    dozaKH se kam nahin hai jannat-nishan hamara

    sunna paDega sab ko ab to bayan hamara

    hindostan ke hum hain hindostan hamara

    janta pe raj karti hai dakuon ki Toli

    wo bach gae junun se kheli thi KHun ki holi

    masum shahriyon pe jis ne chalai goli

    wo santari bana hai ab pasban hamara

    ghairon se hum ne sikha apnon ko ghair rakhna

    namus hi haram ka na pas-e-dair rakhna

    mazhab hi jab sikhae aapas mein bair rakhna

    baqi rahega kaise nam-o-nishan hamara

    maqtul kya batae hai kaun us ka qatil

    kab jaane KHatm hogi ye jang-e-haq-o-baatil

    hubb-e-watan hamare iman mein hai shamil

    muslim hain hum watan hai sara jahan hamara

    raushan hui hain shamen hum se hi anjuman mein

    ghunche khilae hum ne sahra mein aur ban mein

    ai baghban bata tu itne baDe chaman mein

    kya harj hai rahe gar ek aashiyan hamara

    hum ne bhi KHun de kar sincha hai is chaman ko

    sar se bandha hai ab bhi khola nahin kafan ko

    kahte hain aas koi hum se nahin watan ko

    hai koi dur kar de wahm-o-guman hamara

    go karwan hamara aamada-e-safar hai

    raste mein luT na jae har shaKHs ko ye Dar hai

    rahzan bana hai rahbar aur rah pur-KHatar hai

    manzil pe kaise pahunchega karwan hamara

    pagDanDiyon pe chalte hain rahguzar nahin hai

    tanha hain un ka koi bhi ham-safar nahin hai

    hum shairon ko dekho rahne ko ghar nahin hai

    likhte hain shairi mein sara jahan hamara

    izzat-o-abru se jine ka azm kar len

    apne watan pe qurban hone ka azm kar len

    maut aa gai to hans kar marne ka azm kar len

    kab tak rahega aaKHir dil na-tawan hamara

    jab se hua hai darham-barham nizam apna

    koi nahin jahan mein qaem-maqam apna

    sab ke dilon mein yaro ab hai qiyam apna

    samjho hamein wahin ab dil hai jahan hamara

    jina yahan saza hai ab aur hum kahen kya

    gandi faza mein kab tak mar mar ke hum jien kya

    chin-o-arab ko le kar hum 'KHwah-maKHwah' karen kya

    kafi hai bas rahe gar hindostan hamara

    Source:

    Harf-e-Mukarrar (Pg. 122)

    • Author: Ghaus Khah makhah Hyderabadi
      • Publisher: Mohammad Fazlur Rahman
      • Year of Publication: 1998

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now