aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

phir dhum machai holi ne

Arsh Malsiyani

phir dhum machai holi ne

Arsh Malsiyani

MORE BYArsh Malsiyani

    phir ḳhanda-e-gul shor huā

    phir mausam-e-gul saaz bajā

    phir rañg rañg ke phuul khile

    phir daur ḳhizāñ miT ke rahā

    phir shor-e-noshā-nosh uThā phir dhuum machā.ī holī ne

    phir Dhol bajā phir rañg uḌā phir dhuum machā.ī holī ne

    uḌte haiñ abiir gulāl yahāñ

    chehre haiñ sabhoñ ke laal yahāñ

    koī hāl-mast koī māl-mast

    luTtā hai nashe maal yahāñ

    phir daftar-e-raqs-o-rañg khilā phir dhuum machā.ī holī ne

    phir Dhol bajā phir rañg uḌā phir dhuum machā.ī holī ne

    har naar akaḌtī tantī hai

    bejā būjhe bantī hai

    Thānī hai nashe mardoñ ne

    phir ghuT kar gāḌhī chhantī hai

    phir ġhaT ġhaT bhañg daur chalā phir dhuum machā.ī holī ne

    phir Dhol bajā phir rañg uḌā phir dhuum machā.ī holī ne

    ik dhīñgā-mushtī hotī hai

    kuchh dañgā-kushtī hotī hai

    jo rañg se Darte haiñ un se

    saḳhtī-o-durushtī hotī hai

    ūdham hai galiyoñ meñ machā phir dhuum machā.ī holī ne

    phir Dhol bajā phir rañg uḌā phir dhuum machā.ī holī ne

    koī shor kare koī gaalī bake

    lab itne chale chal kar na take

    khāne vaalā muñh koī nahīñ

    yuuñ kahne ko pakvān pake

    har chehra hai luthḌā luthḌā phir dhuum machā.ī holī ne

    phir Dhol bajā phir rañg uḌā phir dhuum machā.ī holī ne

    koī tolā hai koī māshā hai

    kyā achchhā khel-tamāshā hai

    kahīñ tabla sitār mirdañg kahīñ

    kahīñ baajā hai kahīñ tāshā hai

    naġhme rut naġhme fazā phir dhuum machā.ī holī ne

    phir Dhol bajā phir rañg uḌā phir dhuum machā.ī holī ne

    hai naach mahfil āñgan meñ

    hai saaz khanaktā jhāñjhan meñ

    'ramdayyā' jab pag dhartī hai

    'sarjū' ḳhush hotā hai man meñ

    tā-thayyā lagtī hai sadā phir dhuum machā.ī holī ne

    phir Dhol bajā rañg uḌā phir dhuum machā.ī holī ne

    haiñ naach meñ saare nar-nārī

    hai haat meñ sab ke pichkārī

    ik raas rachī hai ghar ghar meñ

    jaise aa.e huuñ girdhārī

    hai rāg-rañg ruup nayā phir dhuum machā.ī holī ne

    phir Dhol bajā phir rañg uḌā phir dhuum machā.ī holī ne

    holī jaltī aag ke din

    ye rañg ke din ye raag ke din

    sardī bhī nahīñ garmī bhī nahīñ

    haiñ mo.atadil itne phaag ke din

    mausam hai na khāne-pīne phir dhuum machā.ī holī ne

    phir Dhol bajā phir rañg uḌā phir dhuum machā.ī holī ne

    phir KHanda-e-gul ka shor hua

    phir mausam-e-gul ka saz baja

    phir rang rang ke phul khile

    phir daur KHizan ka miT ke raha

    phir shor-e-nosha-nosh uTha phir dhum machai holi ne

    phir Dhol baja phir rang uDa phir dhum machai holi ne

    uDte hain abir gulal yahan

    chehre hain sabhon ke lal yahan

    koi haal-mast koi mal-mast

    luTta hai nashe ka mal yahan

    phir daftar-e-raqs-o-rang khila phir dhum machai holi ne

    phir Dhol baja phir rang uDa phir dhum machai holi ne

    har nar akaDti tanti hai

    beja bujhe banti hai

    Thani hai nashe ki mardon ne

    phir ghuT kar gaDhi chhanti hai

    phir ghaT ghaT bhang ka daur chala phir dhum machai holi ne

    phir Dhol baja phir rang uDa phir dhum machai holi ne

    ek dhinga-mushti hoti hai

    kuchh danga-kushti hoti hai

    jo rang se Darte hain un se

    saKHti-o-durushti hoti hai

    udham sa hai galiyon mein macha phir dhum machai holi ne

    phir Dhol baja phir rang uDa phir dhum machai holi ne

    koi shor kare koi gali bake

    lab itne chale chal kar na take

    khane wala munh koi nahin

    yun kahne ko pakwan pake

    har chehra hai luthDa luthDa phir dhum machai holi ne

    phir Dhol baja phir rang uDa phir dhum machai holi ne

    koi tola hai koi masha hai

    kya achchha khel-tamasha hai

    kahin tabla sitar mirdang kahin

    kahin baja hai kahin tasha hai

    naghme ki rut naghme ki faza phir dhum machai holi ne

    phir Dhol baja phir rang uDa phir dhum machai holi ne

    hai nach ki mahfil aangan mein

    hai saz khanakta jhanjhan mein

    'ramdayya' jab pag dharti hai

    'sarju' KHush hota hai man mein

    ta-thayya ki lagti hai sada phir dhum machai holi ne

    phir Dhol baja rang uDa phir dhum machai holi ne

    hain nach mein sare nar-nari

    hai hat mein sab ke pichkari

    ek ras rachi hai ghar ghar mein

    jaise aae hun girdhaari

    hai rag-rang rup naya phir dhum machai holi ne

    phir Dhol baja phir rang uDa phir dhum machai holi ne

    holi ki jalti aag ke din

    ye rang ke din ye rag ke din

    sardi bhi nahin garmi bhi nahin

    hain moatadil itne phag ke din

    mausam hai na khane-pine ka phir dhum machai holi ne

    phir Dhol baja phir rang uDa phir dhum machai holi ne

    Source:

    Sharar-e-sang (Pg. 120)

    • Author: Arsh Malsiyani
      • Edition: 1967
      • Publisher: Markaz Tasneef-o-Talif, Nikodar
      • Year of Publication: 1967

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now