aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

darwaza khula rakhna

Ibn e Insha

darwaza khula rakhna

Ibn e Insha

MORE BYIbn e Insha

    dil dard shiddat se ḳhūñ-gashta o sī-pāra

    is shahr meñ phirtā hai ik vahshī-o-āvāra

    shā.er hai ki āshīq hai, jogī hai ki banjāra

    darvāza khulā rakhnā

    siine se ghaTā uTThe āñkhoñ se jhaḌī barse

    phāgun nahīñ bādal, jo chār-ghaḌī barse

    barkhā hai ye bhādoñ kii, barse to baḌī barse

    darvāza khulā rakhnā

    āñkhoñ meñ to ik aalam āñkhoñ meñ to duniyā hai

    hoñToñ pe magar mohreñ muñh se nahīñ kahtā hai

    kis chiiz ko kho baiThā kyā DhūñDne niklā hai

    darvāza khulā rakhnā

    haañ thaam mohabbat gar thaam sake Dorī

    sājan hai tirā sājan ab tujh se to kyā chorī

    ye jis munādī hai bastī meñ tirī gorī

    darvāza khulā rakhnā

    shikvoñ ko uThā rakhnā, āñkhoñ ko bichhā rakhnā

    ik sham.a darīche chaukhaT pe jalā rakhnā

    māyūs na phir jaa.e, haañ pās-e-vafā rakhnā

    darvāza khulā rakhnā

    darvāza khulā rakhnā

    dil dard ki shiddat se KHun-gashta o si-para

    is shahr mein phirta hai ek wahshi-o-awara

    shaer hai ki aashiq hai, jogi hai ki banjara

    darwaza khula rakhna

    sine se ghaTa uTThe aankhon se jhaDi barse

    phagun ka nahin baadal, jo chaar-ghaDi barse

    barkha hai ye bhadon ki, barse to baDi barse

    darwaza khula rakhna

    aankhon mein to ek aalam aankhon mein to duniya hai

    honTon pe magar mohren munh se nahin kahta hai

    kis chiz ko kho baiTha kya DhunDne nikla hai

    darwaza khula rakhna

    han tham mohabbat ki gar tham sake Dori

    sajan hai tera sajan ab tujh se to kya chori

    ye jis ki munadi hai basti mein teri gori

    darwaza khula rakhna

    shikwon ko uTha rakhna, aankhon ko bichha rakhna

    ek shama dariche ki chaukhaT pe jala rakhna

    mayus na phir jae, han pas-e-wafa rakhna

    darwaza khula rakhna

    darwaza khula rakhna

    Videos
    This video is playing from YouTube

    Videos
    This video is playing from YouTube

    Ibn e Insha

    Ibn e Insha

    Source:

    Is Basti ke ik Kooche Men (Pg. 30)

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now