pandrah-august

Owais Ahmad Dauran

pandrah-august

Owais Ahmad Dauran

MORE BYOwais Ahmad Dauran

    Interesting Fact

    Printed : Hamari Zaban, 6 July 1962 ،

    ai laila-e-jamhūriyat

    ai dilbar-e-hindostāñ

    tujh se faroġh-e-sham.a-e-shab

    mahfil meñ lau ibtidā

    ahl-e-vafā ke des meñ

    tārīḳh-e-nau ibtidā

    zulmat-bad-āmāñ ḳhaak par

    sūraj zau ibtidā

    har lab pe terī dāstāñ

    zulfeñ tirī ambar-fashāñ

    ai dilbar-e-hindostāñ

    apne dast-e-nāz meñ

    ik ḳhushnumā parcham liye

    apne jilau meñ nau-ba-nau

    ḳhushiyoñ ik aalam liye

    manzil ke raahī ke liye

    ik rau liye ik rum liye

    hañstī huī gaatī huī

    āvāz detī huī

    sañgīt har taan meñ

    dars-e-amal detī huī

    ban kar umañgoñ nishāñ

    aa.ī hamāre darmiyāñ

    ai dilbar-e-hindostāñ

    ab jagmagātī raah hai

    aur rahravoñ ke qāfile

    ab tez haiñ sab ke qadam

    ab miT rahe haiñ fāsle

    ab zindagī hai vajd meñ

    ab jāgte haiñ valvale

    thak kar koī sotā nahīñ

    ab peḌ ke saa.e tale

    naġhmāt-e-āzādī dhun

    kitnī junūñ-añgez hai

    ab nashsha-e-mai hai sivā

    ab saaz lai tez hai

    ab ruuh ko hāsil yahāñ

    sad ishrat-e-parvez hai

    masrūr haiñ pīr-o-javāñ

    ai dilbar-e-hindostāñ

    terī had-e-shādāb meñ

    gañg-o-jaman ābād haiñ

    kohsār ke haiñ silsile

    dasht-o-daman ābād haiñ

    ahl-e-yaqīñ ābād haiñ

    arbāb-e-fan ābād haiñ

    mahtāb aur taare liye

    niile gagan ābād haiñ

    jannat-nishāñ kashmīr ke

    rañgīñ chaman ābād haiñ

    jo haiñ hamārī aabrū

    haiñ jamn ke ham sab pāsbāñ

    ai dilbar-e-hindostāñ

    aa ham tire āñchal tale

    parcham tirā ūñchā kareñ

    terī hifāzat ke liye

    saif o qalam yakjā kareñ

    tujh ko banā.eñ kāmrāñ

    ai dilbar-e-hindostāñ

    mafhūm-e-āzādī hai kyā

    nūr-e-sahar justujū

    kyā hai matā-e-hurriyat

    insāñ ke dil aarzū

    sad-āfrīñ bar-daur-e-mai

    āzād haiñ jām-o-subū

    āzād hai paa.el dhun

    āzād hai zulfoñ

    āzād hai soz-e-jigar

    āzād hai dil lahū

    āzād hai zauq-e-safar

    āzād hai jiine ḳhū

    jaa.e na kyuuñ dil lagan

    mahfil-ba-mahfil kū-ba-kū

    sad marhabā puurī huī

    vo hasrat-e-kaif-e-numū

    jis ke sabab barbād thā

    sadiyoñ se apnā kārvāñ

    ai dilbar-e-hindostāñ

    zulmatoñ ke sail meñ

    sham-e-farozāñ ban ga.ī

    shab-tāb ufuq par hind ke

    nūr-e-daraḳhshāñ ban ga.ī

    vādī-e-nik.hat-bez meñ

    jū-e-ḳhirāmāñ ban ga.ī

    ḳhushbū se jis chaar

    vo zulf-e-jānāñ ban ga.ī

    dil sukūñ ārām-e-jāñ

    ai dilbar-e-hindostāñ

    ai laila-e-jamhuriyat

    ai dilbar-e-hindostan

    tujh se farogh-e-shama-e-shab

    mahfil mein lau ki ibtida

    ahl-e-wafa ke des mein

    tariKH-e-nau ki ibtida

    zulmat-bad-aman KHak par

    suraj ki zau ki ibtida

    har lab pe teri dastan

    zulfen teri ambar-fashan

    ai dilbar-e-hindostan

    tu apne dast-e-naz mein

    ek KHushnuma parcham liye

    apne jilau mein nau-ba-nau

    KHushiyon ka ek aalam liye

    manzil ke rahi ke liye

    ek rau liye ek rum liye

    hansti hui gati hui

    aawaz si deti hui

    sangit ki har tan mein

    dars-e-amal deti hui

    ban kar umangon ka nishan

    aai hamare darmiyan

    ai dilbar-e-hindostan

    ab jagmagati rah hai

    aur rahrawon ke qafile

    ab tez hain sab ke qadam

    ab miT rahe hain fasle

    ab zindagi hai wajd mein

    ab jagte hain walwale

    thak kar koi sota nahin

    ab peD ke sae tale

    naghmat-e-azadi ki dhun

    kitni junun-angez hai

    ab nashsha-e-mai hai siwa

    ab saz ki lai tez hai

    ab ruh ko hasil yahan

    sad ishrat-e-parwez hai

    masrur hain pir-o-jawan

    ai dilbar-e-hindostan

    teri had-e-shadab mein

    gang-o-jaman aabaad hain

    kohsar ke hain silsile

    dasht-o-daman aabaad hain

    ahl-e-yaqin aabaad hain

    arbab-e-fan aabaad hain

    mahtab aur tare liye

    nile gagan aabaad hain

    jannat-nishan kashmir ke

    rangin chaman aabaad hain

    jo hain hamari aabru

    hain jamn ke hum sab pasban

    ai dilbar-e-hindostan

    aa hum tere aanchal tale

    parcham tera uncha karen

    teri hifazat ke liye

    saif o qalam yakja karen

    tujh ko banaen kaamran

    ai dilbar-e-hindostan

    mafhum-e-azadi hai kya

    nur-e-sahar ki justuju

    kya hai mata-e-hurriyat

    insan ke dil ki aarzu

    sad-afrin bar-daur-e-mai

    aazad hain jam-o-subu

    aazad hai pael ki dhun

    aazad hai zulfon ki bu

    aazad hai soz-e-jigar

    aazad hai dil ka lahu

    aazad hai zauq-e-safar

    aazad hai jine ki KHu

    jae na kyun dil ki lagan

    mahfil-ba-mahfil ku-ba-ku

    sad marhaba puri hui

    wo hasrat-e-kaif-e-numu

    jis ke sabab barbaad tha

    sadiyon se apna karwan

    ai dilbar-e-hindostan

    tu zulmaton ke sail mein

    sham-e-farozan ban gai

    shab-tab ufuq par hind ke

    nur-e-daraKHshan ban gai

    wadi-e-nikhat-bez mein

    ju-e-KHiraman ban gai

    KHushbu se jis ki chaar su

    wo zulf-e-jaanan ban gai

    dil ka sukun aaram-e-jaan

    ai dilbar-e-hindostan

    Source :
    • Book : Lamhon Ki Aawaz (Pg. 57)
    • Author : Owais Ahmad Dauran
    • Publication : label litho press Ramna Road Patna-4 (1974)
    • Edition : 1974

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY