inqalab

Asrarul Haq Majaz

inqalab

Asrarul Haq Majaz

MORE BY Asrarul Haq Majaz

    chhoḌ de mutrib bas ab lillāh pīchhā chhoḌ de

    kaam ye vaqt hai kuchh kaam karne de mujhe

    terī tānoñ meñ hai zālim kis qayāmat asar

    bijliyāñ gir rahī haiñ ḳhirman-e-idrāk par

    ye ḳhayāl aatā hai rah rah kar dil-e-betāb meñ

    bah na jā.ūñ phir tire naġhmāt ke sailāb meñ

    chhoḌ kar aayā huuñ kis mushkil se maiñ jām-o-subū!

    aah kis dil se kiyā hai maiñ ne ḳhūn-e-ārzū

    phir shabistān-e-tarab raah dikhlātā hai

    mujh ko karnā chāhtā hai phir ḳharāb-e-rañg-o-bū

    maiñ ne maanā vajd meñ duniyā ko saktā hai

    maiñ ne ye maanā ġham-e-hastī miTā saktā hai

    maiñ ne ye maanā ġham-e-hastī miTā saktā hai

    maiñ ne maanā terī mausīqī hai itnī pur-asar

    jhuum uThte haiñ farishte tak tire naġhmāt par

    haañ ye sach hai zamzame tere machāte haiñ vo dhuum

    jhuum jaate haiñ manāzir, raqs karte haiñ nujūm

    tere naġhme se vābasta nashāt-e-zindagī

    tere naġhme se kaif-o-imbisāt-e-zindagī

    terī saut-e-sarmadī bāġh-e-tasavvuf bahār

    tere naġhmoñ se be-ḳhud ābid-e-shab-zinda-dār

    bulbuleñ naġhma-sarā haiñ terī taqlīd meñ

    tere naġhmoñ se dhūmeñ mahfil-e-nāhīd meñ

    mujh ko tere sehr-e-mausīqī se kab inkār hai

    mujh ko tere lahn-e-dā.ūdī se kab inkār hai

    bazm-e-hastī magar kyā rañg hai ye bhī to dekh

    har zabāñ par ab salā-e-jañg hai ye bhī to dekh

    farsh-e-gītī se sakūñ ab mā.il-e-parvāz hai

    abr ke pardoñ meñ sāz-e-jañg āvāz hai

    pheñk de ai dost ab bhī pheñk de apnā rubāb

    uThne vaalā hai koī dam meñ shor-e-inqalāb

    aa rahe haiñ jañg ke bādal vo mañDlāte hue

    aag dāman meñ chhupā.e ḳhuun barsāte hue

    koh-o-sahrā meñ zamīñ se ḳhuun ublegā abhī

    rañg ke badle guloñ se ḳhuun Tapkegā abhī

    baḌh rahe haiñ dekh vo mazdūr darrāte hue

    ik junūñ-añgez lai meñ jaane kyā gaate hue

    sar-kashī tund āñdhī dam-ba-dam chaḌhtī huī

    har taraf yalġhār kartī har taraf baḌhtī huī

    bhuuk ke maare hue insāñ fariyādoñ ke saath

    fāqa-mastoñ ke jilau meñ ḳhāna-barbādoñ ke saath

    ḳhatm ho jā.egā ye sarmāya-dārī nizām

    rañg laane ko hai mazdūroñ josh-e-intiqām

    gir paḌeñge ḳhauf se aivān-e-ishrat ke sutūñ

    ḳhuun ban jā.egī shīshoñ meñ sharāb-e-lāla-gūñ

    ḳhuun le ke jañgal se havā.eñ ā.eñgī

    ḳhuuñ ḳhuuñ hogā nigāheñ jis taraf bhī jā.eñgī

    jhoñpaḌoñ meñ ḳhūñ, mahal meñ ḳhūñ, shabistānoñ meñ ḳhuuñ

    dasht meñ ḳhūñ, vādiyoñ meñ ḳhūñ, bayābānoñ meñ ḳhuuñ

    pur-sukūñ sahrā meñ ḳhūñ, betāb dariyāoñ meñ ḳhuuñ

    dair meñ ḳhūñ, masjid meñ ḳhūñ, kalīsāoñ meñ ḳhuuñ

    ḳhuun ke dariyā nazar ā.eñge har maidān meñ

    Duub jā.eñgī chaTāneñ ḳhuun ke tūfān meñ

    ḳhuun rañgīniyoñ meñ Duub jā.egī bahār

    reg-e-sahrā par nazar ā.eñge lākhoñ lāla-zār

    ḳhuun se rañgīñ fazā-e-bostāñ ho jā.egī

    nargis-e-maḳhmūr chashm-e-ḳhūñ-fishāñ ho jā.egī

    kohsāroñ taraf se ''surḳh-āñdhī'' aa.egī

    jā-ba-jā ābādiyoñ meñ aag lag jā.egī

    toḌ kar beḌī nikal ā.eñge zindāñ se asiir

    bhuul jā.eñge ibādat ḳhānqāhoñ meñ faqīr

    hashr-dar-āġhosh ho jā.egī duniyā fazā

    dauḌtā hogā har ik jānib farishta maut

    surḳh hoñge ḳhuun ke chhīñToñ se bām-o-dar tamām

    ġharq hoñge ātishīñ malbūs meñ manzar tamām

    is tarah legā zamāna jañg ḳhūnīñ sabaq

    āsmāñ par ḳhaak hogī, farq par rañg-e-shafaq

    aur is rañg-e-shafaq meñ bā-hazārāñ āb-o-tāb!

    jagmagā.egā vatan hurriyat āftāb

    chhoD de mutrib bas ab lillah pichha chhoD de

    kaam ka ye waqt hai kuchh kaam karne de mujhe

    teri tanon mein hai zalim kis qayamat ka asar

    bijliyan si gir rahi hain KHirman-e-idrak par

    ye KHayal aata hai rah rah kar dil-e-betab mein

    bah na jaun phir tere naghmat ke sailab mein

    chhoD kar aaya hun kis mushkil se main jam-o-subu!

    aah kis dil se kiya hai main ne KHun-e-arzu

    phir shabistan-e-tarab ki rah dikhlata hai tu

    mujh ko karna chahta hai phir KHarab-e-rang-o-bu

    main ne mana wajd mein duniya ko la sakta hai tu

    main ne ye mana gham-e-hasti miTa sakta hai tu

    main ne ye mana gham-e-hasti miTa sakta hai tu

    main ne mana teri mausiqi hai itni pur-asar

    jhum uThte hain farishte tak tere naghmat par

    han ye sach hai zamzame tere machate hain wo dhum

    jhum jate hain manazir, raqs karte hain nujum

    tere hi naghme se wabasta nashat-e-zindagi

    tere hi naghme se kaif-o-imbisat-e-zindagi

    teri saut-e-sarmadi bagh-e-tasawwuf ki bahaar

    tere hi naghmon se be-KHud aabid-e-shab-zinda-dar

    bulbulen naghma-sara hain teri hi taqlid mein

    tere hi naghmon se dhumen mahfil-e-nahid mein

    mujh ko tere sehr-e-mausiqi se kab inkar hai

    mujh ko tere lahn-e-daudi se kab inkar hai

    bazm-e-hasti ka magar kya rang hai ye bhi to dekh

    har zaban par ab sala-e-jang hai ye bhi to dekh

    farsh-e-giti se sakun ab mail-e-parwaz hai

    abr ke pardon mein saz-e-jang ki aawaz hai

    phenk de ai dost ab bhi phenk de apna rubab

    uThne hi wala hai koi dam mein shor-e-inqalab

    aa rahe hain jang ke baadal wo manDlate hue

    aag daman mein chhupae KHun barsate hue

    koh-o-sahra mein zamin se KHun ublega abhi

    rang ke badle gulon se KHun Tapkega abhi

    baDh rahe hain dekh wo mazdur darraate hue

    ek junun-angez lai mein jaane kya gate hue

    sar-kashi ki tund aandhi dam-ba-dam chaDhti hui

    har taraf yalghaar karti har taraf baDhti hui

    bhuk ke mare hue insan ki fariyaadon ke sath

    faqa-maston ke jilau mein KHana-barbaadon ke sath

    KHatm ho jaega ye sarmaya-dari ka nizam

    rang lane ko hai mazduron ka josh-e-intiqam

    gir paDenge KHauf se aiwan-e-ishrat ke sutun

    KHun ban jaegi shishon mein sharab-e-lala-gun

    KHun ki bu le ke jangal se hawaen aaengi

    KHun hi KHun hoga nigahen jis taraf bhi jaengi

    jhonpaDon mein KHun, mahal mein KHun, shabistanon mein KHun

    dasht mein KHun, wadiyon mein KHun, bayabanon mein KHun

    pur-sukun sahra mein KHun, betab dariyaon mein KHun

    dair mein KHun, masjid mein KHun, kalisaon mein KHun

    KHun ke dariya nazar aaenge har maidan mein

    Dub jaengi chaTanen KHun ke tufan mein

    KHun ki ranginiyon mein Dub jaegi bahaar

    reg-e-sahra par nazar aaenge lakhon lala-zar

    KHun se rangin faza-e-bostan ho jaegi

    nargis-e-maKHmur chashm-e-KHun-fishan ho jaegi

    kohsaron ki taraf se surKH-andhi aaegi

    ja-ba-ja aabaadiyon mein aag si lag jaegi

    toD kar beDi nikal aaenge zindan se asir

    bhul jaenge ibaadat KHanqahon mein faqir

    hashr-dar-aghosh ho jaegi duniya ki faza

    dauDta hoga har ek jaanib farishta maut ka

    surKH honge KHun ke chhinTon se baam-o-dar tamam

    gharq honge aatishin malbus mein manzar tamam

    is tarah lega zamana jang ka KHunin sabaq

    aasman par KHak hogi, farq par rang-e-shafaq

    aur is rang-e-shafaq mein ba-hazaran aab-o-tab!

    jagmagaega watan ki hurriyat ka aaftab

    Source:

    • Book : Aahang (Pg. 66)
    • Author : Asrar-ul-Haq Majaz
    • Publication : National Council for Promotion of Urdu Language, Delhi (2011)
    • Edition : 2011

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY