istiare DhunDta rahta hun

isti.āre DhūñDhtā rahtā huuñ maiñ

dhuup meñ uḌtī sunahrī dhuul ke

bhed sat-rañgī tilismī phuul ke

jaane kis ke paañv kī maddham dhamak

dhyān kī dahlīz par suntā huuñ maiñ

isti.āre DhūñDhtā rahtā huuñ maiñ

jaane kis rañgat ko chhū kar

shahr meñ aatī hai shaam

bhuul jaatā huuñ gharoñ ke rāste logoñ ke naam

ek an-dekhe nagar kā rāsta

is safar meñ pūchhtā rahtā huuñ maiñ

isti.āre DhūñDhtā rahtā huuñ maiñ

ġhaib ke shahroñ se aatī hai havā

phuul sā uḌtā hai tere jism kā

vasl ke dar kholtī haiñ uñgliyāñ

ḳhuun meñ ghultā hai terā zā.iqa

aate jaate mausamoñ kī oT meñ

terā chehra dekhtā rahtā huuñ maiñ

isti.āre DhūñDhtā rahtā huuñ maiñ

istiare DhunDhta rahta hun main

dhup mein uDti sunahri dhul ke

bhed sat-rangi tilismi phul ke

jaane kis ke panw ki maddham dhamak

dhyan ki dahliz par sunta hun main

istiare DhunDhta rahta hun main

jaane kis rangat ko chhu kar

shahr mein aati hai sham

bhul jata hun gharon ke raste logon ke nam

ek an-dekhe nagar ka rasta

is safar mein puchhta rahta hun main

istiare DhunDhta rahta hun main

ghaib ke shahron se aati hai hawa

phul sa uDta hai tere jism ka

wasl ke dar kholti hain ungliyan

KHun mein ghulta hai tera zaiqa

aate jate mausamon ki oT mein

tera chehra dekhta rahta hun main

istiare DhunDhta rahta hun main