izhaar aur rasai

Noon Meem Rashid

izhaar aur rasai

Noon Meem Rashid

MORE BYNoon Meem Rashid

    mū-qalam, saaz gul-e-tāza thirakte paañv

    baat kahne ke bahāne haiñ bahut

    aadmī kis se magar baat kare?

    baat jab hīla-e-taqrīb-e-mulāqāt na ho

    aur rasā.ī ki hamesha se hai kotāh-kamand

    baat ġhāyat-e-ġhāyāt na ho!

    ek zarra kaf-e-ḳhākistar

    sharar-e-jasta ke mānind kabhī

    kisī an-jānī tamannā ḳhalish se masrūr

    apne siine ke dahakte hue tannūr lau se majbūr

    ek zarra ki hamesha se hai ḳhud se mahjūr

    kabhī nairañg-e-sadā ban ke jhalak uThtā hai

    aab o rañg o ḳhat o mehrāb paivand kabhī

    aur bantā hai ma.ānī ḳhudāvand kabhī

    vo ḳhudāvand jo pā-basta-e-ānāt na ho!

    isī ik zarre tābānī se

    kisī so.e hue raqqās ke dast-o-pā meñ

    kaañp uThte haiñ mah-o-sāl ke niile girdāb

    isī ik zarre hairānī se

    sher ban jaate haiñ ik kūza-gar-e-pīr ke ḳhvāb

    isī ik zarra-e-lā-fānī se

    ḳhisht-e-be-māya ko miltā hai davām

    bām-o-dar ko vo sahar jis kabhī raat na ho!

    aadmī kis se magar baat kare?

    mū-qalam, saaz gul-e-tāza thirakte paañv

    aadmī sochtā rah jaatā hai,

    is qadar baar kahāñ, kis ke liye, kaise uThā.ūñ

    aur phir kis ke liye baat karūñ?

    mu-qalam, saz gul-e-taza thirakte panw

    baat kahne ke bahane hain bahut

    aadmi kis se magar baat kare?

    baat jab hila-e-taqrib-e-mulaqat na ho

    aur rasai ki hamesha se hai kotah-kamand

    baat ki ghayat-e-ghayat na ho!

    ek zarra kaf-e-KHakistar ka

    sharar-e-jasta ke manind kabhi

    kisi an-jaani tamanna ki KHalish se masrur

    apne sine ke dahakte hue tannur ki lau se majbur

    ek zarra ki hamesha se hai KHud se mahjur

    kabhi nairang-e-sada ban ke jhalak uThta hai

    aab o rang o KHat o mehrab ka paiwand kabhi

    aur banta hai maani ka KHudawand kabhi

    wo KHudawand jo pa-basta-e-anat na ho!

    isi ek zarre ki tabani se

    kisi soe hue raqqas ke dast-o-pa mein

    kanp uThte hain mah-o-sal ke nile girdab

    isi ek zarre ki hairani se

    sher ban jate hain ek kuza-gar-e-pir ke KHwab

    isi ek zarra-e-la-fani se

    KHisht-e-be-maya ko milta hai dawam

    baam-o-dar ko wo sahar jis ki kabhi raat na ho!

    aadmi kis se magar baat kare?

    mu-qalam, saz gul-e-taza thirakte panw

    aadmi sochta rah jata hai,

    is qadar bar kahan, kis ke liye, kaise uThaun

    aur phir kis ke liye baat karun?

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY