jago aur jagao

josh-o-amal dikhlāo sab ko

ġhaflat se chauñkāo sab ko

uTTho aur uThāo sab ko

jaago aur jagāo sab ko

vaqt gayā ḳhvāb-e-rāhat kā

vaqt hai ab azm-o-himmat kā

bas ab hosh meñ laao sab ko

jaago aur jagāo sab ko

sharqī ġharbī gore kaale

jaag uThe sab sone vaale

tum bhī ab chauñkāo sab ko

jaago aur jagāo sab ko

dahr meñ hai bedārī har-sū

mulk meñ hai tayyārī har-sū

tum bhī josh dilāo sab ko

jaago aur jagāo sab ko

qaum kī ḳhidmat farz hai tum par

mulk kā ye ik qarz hai tum par

gur ḳhidmat ke batāo sab ko

jaago aur jagāo sab ko

aapas ke jhagḌe tai kar do

prem aur priit diloñ meñ bhar do

bāham gale milāo sab ko

jaago aur jagāo sab ko

shaiḳh kī hai na muġhal kī pursish

ab hai sirf amal kī pursish

kuchh kar ke dikhlāo sab ko

jaago aur jagāo sab ko

josh-o-amal dikhlao sab ko

ghaflat se chaunkao sab ko

uTTho aur uThao sab ko

jago aur jagao sab ko

waqt gaya KHwab-e-rahat ka

waqt hai ab azm-o-himmat ka

bas ab hosh mein lao sab ko

jago aur jagao sab ko

sharqi gharbi gore kale

jag uThe sab sone wale

tum bhi ab chaunkao sab ko

jago aur jagao sab ko

dahr mein hai bedari har-su

mulk mein hai tayyari har-su

tum bhi josh dilao sab ko

jago aur jagao sab ko

qaum ki KHidmat farz hai tum par

mulk ka ye ek qarz hai tum par

gur KHidmat ke batao sab ko

jago aur jagao sab ko

aapas ke jhagDe tai kar do

prem aur prit dilon mein bhar do

baham gale milao sab ko

jago aur jagao sab ko

shaiKH ki hai na mughal ki pursish

ab hai sirf amal ki pursish

kuchh kar ke dikhlao sab ko

jago aur jagao sab ko