jab hum pahli bar mile the

jab ham pahlī baar mile the

mausam kitnā ujlā thā

maiñ thā ik āzād parinda

nīl-gagan meñ uḌne vaalā

tum bhī itne umr-rasīda kab the

bāloñ meñ ye chāñdī kab thī

lahje meñ khanak āñkhoñ meñ chamak thī

baat baat par zor se hañsnā

aadat meñ bhī shāmil thā

sab ke dukh sukh kā hissa ban jaanā

fitrat meñ bhī shāmil thā

lekin ab aisā lagtā hai

tum se bichhaḌne kā pal

shāyad aa pahuñchā hai

tum se bichhaḌ kar kal maiñ jab

is moḌ pe phir vāpas ā.ūñgā

saare raste sab dīvāreñ aur darvāze

mujh se mere saath ke baare meñ pūchheñge

rām-nārāyan aur kedār bhī

phir ye raaz na kholeñge

aur mirī āñkhoñ meñ saarā manzar

dhundlā dhundlā ho jā.egā

lekin maiñ biite lamhoñ se

phir us ko ujlā kar lūñgā

aur phir yaad mujhe aa.egā

jab ham pahlī baar mile the

mausam bilkul aisā hī thā

jab hum pahli bar mile the

mausam kitna ujla tha

main tha ek aazad parinda

nil-gagan mein uDne wala

tum bhi itne umr-rasida kab the

baalon mein ye chandi kab thi

lahje mein khanak aankhon mein chamak thi

baat baat par zor se hansna

aadat mein bhi shamil tha

sab ke dukh sukh ka hissa ban jaana

fitrat mein bhi shamil tha

lekin ab aisa lagta hai

tum se bichhaDne ka pal

shayad aa pahuncha hai

tum se bichhaD kar kal main jab

is moD pe phir wapas aaunga

sare raste sab diwaren aur darwaze

mujh se mere sath ke bare mein puchhenge

ram-narayan aur kedar bhi

phir ye raaz na kholenge

aur meri aankhon mein sara manzar

dhundla dhundla ho jaega

lekin main bite lamhon se

phir us ko ujla kar lunga

aur phir yaad mujhe aaega

jab hum pahli bar mile the

mausam bilkul aisa hi tha