jashn-e-masarrat

yuuñ jashn-e-masarrat kī har samt ghaTā chhā.ī

phūloñ pe nikhār aayā kaliyoñ ko hañsī aa.ī

shādāb huī khetī fasloñ pe bahār aa.ī

bahtī huī nadiyoñ ne kī bādiya-paimā.ī

baapū ke ahinsā kī nehru ke taḳhayyul kī

tanvīr nazar aa.ī tasvīr nazar aa.ī

zehnoñ se jahālat kī zulmat ko miTā Daalā

ab ilm ke sūraj kī ghar-ghar meñ kiran aa.ī

science meñ hirfat meñ hāsil huī yaksūī

is daur meñ bhārat ne har fan meñ jilā paa.ī

ab dil meñ umangeñ haiñ nazroñ meñ masarrat hai

har samt hai zebā.ī har samt hai ra.anā.ī

duniyā kī nigāheñ bhī pā-bos-e-qayādat haiñ

is bint-e-javāhar kī allah re masīhā.ī

yun jashn-e-masarrat ki har samt ghaTa chhai

phulon pe nikhaar aaya kaliyon ko hansi aai

shadab hui kheti faslon pe bahaar aai

bahti hui nadiyon ne ki baadiya-paimai

bapu ke ahinsa ki nehru ke taKHayyul ki

tanwir nazar aai taswir nazar aai

zehnon se jahaalat ki zulmat ko miTa Dala

ab ilm ke suraj ki ghar-ghar mein kiran aai

science mein hirfat mein hasil hui yaksui

is daur mein bhaarat ne har fan mein jila pai

ab dil mein umangen hain nazron mein masarrat hai

har samt hai zebai har samt hai ranai

duniya ki nigahen bhi pa-bos-e-qayaadat hain

is bint-e-jawahar ki allah re masihai