aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

judai

MORE BYMustafa Zaidi

    nigār-e-shām-e-ġham maiñ tujh se ruḳhsat hone aayā huuñ

    gale mil le ki yuuñ milne naubat phir na aa.egī

    sar-e-rāhe jo ham donoñ kahīñ mil bhī ga.e to kyā

    ye lamhe phir na lauTeñge ye saa.at phir na aa.egī

    ki maiñ ab sirf in guzre hue lamhoñ saaya huuñ

    isī bāzār meñ baara baras hone ko aa.e haiñ

    ki maiñ ne fastes tarah apnī ruuh bechī thī

    masarrat musalsal gardish-e-yaksāñ se uktā kar

    tujhe hāsil kiyā thā aur har sūrat bhulā thī

    purāne sāz-o-sāmāñ ab mujhe rone ko aa.e haiñ

    ġhazab tīrgī hai rāsta dekhā nahīñ jaatā

    havā ke shor meñ dariyā maujeñ baḌhtī jaatī haiñ

    zamīñ se ukhḌe jaate haiñ daraḳhtoñ ke qadam paiham

    chaTāneñ ruup badle zer-e-lab kuchh paḌhtī jaatī haiñ

    ab apnī uñgliyoñ fāsla dekhā nahīñ jaatā

    jaras naġhmagī āvāz mātam hotī jaatī hai

    vahī ma.amūl ke but haiñ vahī lamhoñ vīrānī

    zarā der meñ ye dhaḌkaneñ bhī Duub jā.eñgī

    mirī āñkhoñ tak aa pahuñchā hai ab bahtā huā paanī

    tirī āvāz maddham aur maddham hotī jaatī hai

    nigar-e-sham-e-gham main tujh se ruKHsat hone aaya hun

    gale mil le ki yun milne ki naubat phir na aaegi

    sar-e-rahe jo hum donon kahin mil bhi gae to kya

    ye lamhe phir na lauTenge ye saat phir na aaegi

    ki main ab sirf in guzre hue lamhon ka saya hun

    isi bazar mein bara baras hone ko aae hain

    ki main ne fastes ki tarah apni ruh bechi thi

    masarrat ki musalsal gardish-e-yaksan se ukta kar

    tujhe hasil kiya tha aur har surat bhula di thi

    purane saz-o-saman ab mujhe rone ko aae hain

    ghazab ki tirgi hai rasta dekha nahin jata

    hawa ke shor mein dariya ki maujen baDhti jati hain

    zamin se ukhDe jate hain daraKHton ke qadam paiham

    chaTanen rup badle zer-e-lab kuchh paDhti jati hain

    ab apni ungliyon ka fasla dekha nahin jata

    jaras ki naghmagi aawaz matam hoti jati hai

    wahi mamul ke but hain wahi lamhon ki virani

    zara si der mein ye dhaDkanen bhi Dub jaengi

    meri aankhon tak aa pahuncha hai ab bahta hua pani

    teri aawaz maddham aur maddham hoti jati hai

    Source:

    kulliyat-e-mustafa zaidii(mauj mrii sadaf sadaf (Pg. 38)

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now