aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

kahani ka saman

Akhtar Shirani

kahani ka saman

Akhtar Shirani

MORE BYAkhtar Shirani

    mirī pyārī annā merī annā jaanī

    sunā de mujhe koī aisī kahānī

    ki jis meñ paristān samāñ ho

    zamīñ phuul chāñd āsmāñ ho

    sitāre baraste hoñ jis fazā meñ

    ho ḳhushbū tūfān jis havā meñ

    jahāñ shahd-o-sharbat nahreñ ravāñ hoñ

    jahāñ hiire yāqūt kashtiyāñ hoñ

    aur un meñ koī giit gaatī hoñ pariyāñ

    shuāoñ ke barbat bajātī hoñ pariyāñ

    pahāḌ us meñ jitne hoñ saare tilā.ī

    aur un ke suhāne nazāre tilā.ī

    añdherā na ho naam ko bhī jahāñ meñ

    ho ik chāñd raushan har ik sham.a-dāñ meñ

    mahal ho har ik sañg-e-marmar jis meñ

    har ik taaq ho la.al-o-gauhar jis meñ

    na būḌhā ho koī na koī javāñ ho

    faqat maiñ huuñ aur merī annā vahāñ ho

    mire par hoñ uḌtā phirūñ maiñ havā meñ

    hukūmat ho merī vahāñ fazā meñ

    ġharaz merī annā mirī annā jaanī

    sunā de mujhe koī aisī kahānī

    meri pyari anna meri anna jaani

    suna de mujhe koi aisi kahani

    ki jis mein paristan ka sa saman ho

    zamin phul ki chand ka aasman ho

    sitare baraste hon jis ki faza mein

    ho KHushbu ka tufan jis ki hawa mein

    jahan shahd-o-sharbat ki nahren rawan hon

    jahan hire yaqut ki kashtiyan hon

    aur un mein koi git gati hon pariyan

    shuaon ke barbat bajati hon pariyan

    pahaD us mein jitne hon sare tilai

    aur un ke suhane nazare tilai

    andhera na ho nam ko bhi jahan mein

    ho ek chand raushan har ek shama-dan mein

    mahal ho har ek sang-e-marmar ka jis mein

    har ek taq ho lal-o-gauhar ka jis mein

    na buDha ho koi na koi jawan ho

    faqat main hun aur meri anna wahan ho

    mere par hon uDta phirun main hawa mein

    hukumat ho meri wahan ki faza mein

    gharaz meri anna meri anna jaani

    suna de mujhe koi aisi kahani

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now