aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

kaniz

Ahmad Faraz

kaniz

Ahmad Faraz

MORE BYAhmad Faraz

    huzūr aap aur nisf shab mire makān par

    huzūr tamām-tar balā.eñ merī jaan par

    huzūr ḳhairiyat to hai huzūr kyuuñ ḳhamosh haiñ

    huzūr boliye ki vasvase vabāl-e-hosh haiñ

    huzūr hoñT is tarah se kapkapā rahe haiñ kyuuñ

    huzūr aap har qadam pe laḌ-khḌā rahe haiñ kyuuñ

    huzūr aap nazar meñ niiñd ḳhumār hai

    huzūr shāyad aaj dushmanoñ ko kuchh buḳhār hai

    huzūr muskurā rahe haiñ merī baat baat par

    huzūr ko na jaane kyā gumāñ hai merī zaat par

    huzūr muñh se ba rahī hai piik saaf kījiye

    huzūr aap to nashe meñ haiñ muaaf kījiye

    huzūr kyā kahā maiñ aap ko bahut aziiz huuñ

    huzūr karam hai varna maiñ bhī koī chiiz huuñ

    huzūr chhoḌiye hameñ hazār aur rog haiñ

    huzūr jā.iye ki ham bahut ġharīb log haiñ

    huzur aap aur nisf shab mere makan par

    huzur ki tamam-tar balaen meri jaan par

    huzur KHairiyat to hai huzur kyun KHamosh hain

    huzur boliye ki waswase wabaal-e-hosh hain

    huzur honT is tarah se kapkapa rahe hain kyun

    huzur aap har qadam pe laD-khDa rahe hain kyun

    huzur aap ki nazar mein nind ka KHumar hai

    huzur shayad aaj dushmanon ko kuchh buKHar hai

    huzur muskura rahe hain meri baat baat par

    huzur ko na jaane kya guman hai meri zat par

    huzur munh se ba rahi hai pik saf kijiye

    huzur aap to nashe mein hain muaf kijiye

    huzur kya kaha main aap ko bahut aziz hun

    huzur ka karam hai warna main bhi koi chiz hun

    huzur chhoDiye hamein hazar aur rog hain

    huzur jaiye ki hum bahut gharib log hain

    Source:

    Kulliyat-e-Ahmed Faraz (Pg. 444)

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now