kanpur

ye maqnātīs kī dāvat thī aahan kaise rad kartā

maiñ kalkatta se ruḳhsat ho ke sīdhā kanpur aaya

nazar aa.e razā-kārān-e-nīlī-posh saf-dar-saf

mire dil meñ surūr utrā mirī āñkhoñ meñ nuur aaya

sunā.ī dāstāñ lahore aur us ke shahīdoñ kī

to merī peshvā.ī ke liye shor-e-nushūr aaya

siyah-mastī kī detā huuñ salā rindān-e-mashriq ko

ḳhumistān-e-arab ke nashshe meñ ho kar maiñ chuur aaya

kiyā afsāna duniyā kā supurd-e-ḳhāma jab maiñ ne

to afsūñ dīn-e-qayyim kā nazar bainassutūr aaya

musalmānoñ kī jam.iyyat se Takrānā nahīñ āsāñ

vo Takrā.eñ to samjho un kī aqloñ meñ futūr aaya

ḳhudā kī hamd paiġhambar kī mad.h islām ke qisse

mire mazmūñ meñ jab se sher kahne kā shu.ūr aaya

ye maqnatis ki dawat thi aahan kaise rad karta

main kalkatta se ruKHsat ho ke sidha kanpur aaya

nazar aae raza-karan-e-nili-posh saf-dar-saf

mere dil mein surur utra meri aankhon mein nur aaya

sunai dastan lahore aur us ke shahidon ki

to meri peshwai ke liye shor-e-nushur aaya

siyah-masti ki deta hun sala rindan-e-mashriq ko

KHumistan-e-arab ke nashshe mein ho kar main chur aaya

kiya afsana duniya ka supurd-e-KHama jab main ne

to afsun din-e-qayyim ka nazar bainassutur aaya

musalmanon ki jamiyyat se Takrana nahin aasan

wo Takraen to samjho un ki aqlon mein futur aaya

KHuda ki hamd paighambar ki madh islam ke qisse

mere mazmun mein jab se sher kahne ka shuur aaya