aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

KHak-e-hind

Tilok Chand Mahroom

KHak-e-hind

Tilok Chand Mahroom

MORE BYTilok Chand Mahroom

    anjum se baḌh ke terā har zarra zau-fishāñ hai

    jalvoñ se tere ab tak husn-e-azal ayaañ hai

    andāz-e-dil-farebī jo tujh meñ hai kahāñ hai

    faḳhr-e-zamāna hai aur nāzish-e-jahāñ hai

    uftādgī meñ bhī to ham-auj-e-āsmāñ hai

    ''ai ḳhāk-e-hind terī azmat meñ kyā gumāñ hai''

    vo kaj-kulāh tere vo sūrvīr tere

    vo teġh-zan kamāñ-kash vo qil.a-gīr tere

    nāpaid aaj haiñ go tāj-o-sarīr tere

    shāhoñ se haiñ ziyāda lekin faqīr tere

    pastī meñ sar-bulandī sab par tirī ayaañ hai

    ''ai ḳhāk-e-hind terī azmat meñ kyā gumāñ hai''

    manzar vo jāñ-fazā haiñ aur dil-pazīr tere

    jāneñ haiñ tujh pe shaidā aur dil asiir tere

    shīrīñ o saaf dariyā haiñ jū-e-shīr tere

    haiñ dasht-o-koh-o-sahrā jannat-nazīr tere

    āñkheñ jidhar uThāo firdaus samāñ hai

    ''ai ḳhāk-e-hind terī azmat meñ kyā gumāñ hai''

    tujh ko miTā diyā hai har-chand āsmāñ ne

    phūñkā hai aah dil ko soz-e-ġham-e-nihāñ ne

    chhoḌī na taab apnī par husn-e-dil-sitāñ ne

    jauhar bhare haiñ tujh meñ sannā-e-do-jahāñ ne

    fasl-e-ḳhizāñ hai terī phir bhī gul-fishāñ hai

    ''ai ḳhāk-e-hind terī azmat meñ kyā gumāñ hai''

    go had se baḌh gayā hai rañj-o-malāl terā

    ab tak miTā nahīñ hai naqsh-e-jamāl terā

    āḳhir kabhī to hogā zāhir kamāl terā

    hogā kabhī to āḳhir daur-e-zavāl terā

    kab ik ravish pe qaa.em ye daur-e-āsmāñ hai

    ''ai ḳhāk-e-hind terī azmat meñ kyā gumāñ hai''

    anjum se baDh ke tera har zarra zau-fishan hai

    jalwon se tere ab tak husn-e-azal ayan hai

    andaz-e-dil-farebi jo tujh mein hai kahan hai

    faKHr-e-zamana tu hai aur nazish-e-jahan hai

    uftadgi mein bhi to ham-auj-e-asman hai

    ai KHak-e-hind teri azmat mein kya guman hai

    wo kaj-kulah tere wo surwir tere

    wo tegh-zan kaman-kash wo qila-gir tere

    napaid aaj hain go taj-o-sarir tere

    shahon se hain ziyaada lekin faqir tere

    pasti mein sar-bulandi sab par teri ayan hai

    ai KHak-e-hind teri azmat mein kya guman hai

    manzar wo jaan-faza hain aur dil-pazir tere

    jaanen hain tujh pe shaida aur dil asir tere

    shirin o saf dariya hain ju-e-shir tere

    hain dasht-o-koh-o-sahra jannat-nazir tere

    aankhen jidhar uThao firdaus ka saman hai

    ai KHak-e-hind teri azmat mein kya guman hai

    tujh ko miTa diya hai har-chand aasman ne

    phunka hai aah dil ko soz-e-gham-e-nihan ne

    chhoDi na tab apni par husn-e-dil-sitan ne

    jauhar bhare hain tujh mein sanna-e-do-jahan ne

    fasl-e-KHizan hai teri phir bhi tu gul-fishan hai

    ai KHak-e-hind teri azmat mein kya guman hai

    go had se baDh gaya hai ranj-o-malal tera

    ab tak miTa nahin hai naqsh-e-jamal tera

    aaKHir kabhi to hoga zahir kamal tera

    hoga kabhi to aaKHir daur-e-zawal tera

    kab ek rawish pe qaem ye daur-e-asman hai

    ai KHak-e-hind teri azmat mein kya guman hai

    Source:

    Urdu Mein Qaumi Shairi Ke Sau Saal (Pg. 173)

    • Author: Ali Jawad Zaidi
      • Edition: 1982,Editon II 2010
      • Publisher: Uttar Pradesh Urdu Acadmi (Lucknow)
      • Year of Publication: 1982,Editon II 2010

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now