KHumistan-e-azal ka saqi

pahuñchtā hai har ik mai-kash ke aage daur-e-jām us kā

kisī ko tishna-lab rakhtā nahīñ hai lutf-e-ām us kā

gavāhī de rahī hai us kī yaktā.ī pe zaat us kī

duī ke naqsh sab jhūTe haiñ sachchā ek naam us kā

har ik zarra fazā kā dāstān us kī sunātā hai

har ik jhoñkā havā kā aa ke detā hai payām us kā

maiñ us ko ka.aba-o-but-ḳhāna meñ kyuuñ DhūñDne niklūñ

mire TuuTe hue dil hī ke andar hai qayām us kā

mirī uftād kī bhī mere haq meñ us kī rahmat thī

ki girte girte bhī maiñ ne liyā dāman hai thaam us kā

vo ḳhud bhī be-nishāñ hai zaḳhm bhī haiñ be-nishāñ us ke

diyā hai is ne jo charkā nahīñ hai iltiyām us kā

na jā us ke tahammul par ki hai ab Dhab giraft us kī

Dar us kī der-gīrī se ki hai saḳht intiqām us kā

pahunchta hai har ek mai-kash ke aage daur-e-jam us ka

kisi ko tishna-lab rakhta nahin hai lutf-e-am us ka

gawahi de rahi hai us ki yaktai pe zat us ki

dui ke naqsh sab jhuTe hain sachcha ek nam us ka

har ek zarra faza ka dastan us ki sunata hai

har ek jhonka hawa ka aa ke deta hai payam us ka

main us ko kaba-o-but-KHana mein kyun DhunDne niklun

mere TuTe hue dil hi ke andar hai qayam us ka

meri uftad ki bhi mere haq mein us ki rahmat thi

ki girte girte bhi main ne liya daman hai tham us ka

wo KHud bhi be-nishan hai zaKHm bhi hain be-nishan us ke

diya hai is ne jo charka nahin hai iltiyam us ka

na ja us ke tahammul par ki hai ab Dhab giraft us ki

Dar us ki der-giri se ki hai saKHt intiqam us ka