aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

KHud-agahi

Farhat Ehsas

KHud-agahi

Farhat Ehsas

MORE BYFarhat Ehsas

    vo kaisī tārīk ghaḌī thī

    jab mujh ko ehsās huā thā

    maiñ tanhā huuñ

    us din bhī sīdhā-sāda sūraj niklā thā

    shahr meñ koī shor nahīñ thā

    ghar meñ koī aur nahīñ thā

    ammāñ aaTā gūñdh rahī thiiñ

    abbā chārpā.ī par baiThe uuñgh rahe the

    dhīre dhīre dhuup chaḌhī thī

    aur achānak dil meñ ye ḳhvāhish ubhrī thī

    maiñ duniyā se chhuTTī le luuñ

    apne kamre ko andar se taalā de kar kunjī kho kar

    zor se chīḳhūñ chīḳhtā jā.ūñ

    lekin koī na sunñe paa.e

    chāqū se ek ek rag-o-reshe ko kāTūñ

    aur bhayānak sachchā.ī dariyā phūTe

    har kapḌe ko aag lagā duuñ

    sho.aloñ meñ nañge-pan sannāTā kuude

    vo din thā aur aaj din hai

    kamre ke andar se taalā lagā huā hai

    kunjī gum hai

    maiñ zoroñ se chīḳh rahā huuñ

    mere jism ek ek resha kaTā huā hai

    sab kapḌoñ meñ aag lagī hai

    bāhar sab pahle jaisā hai

    koī nahīñ jo kamre darvāza toḌe

    koī nahīñ jo apnā khel zarā chhoḌe

    wo kaisi tarik ghaDi thi

    jab mujh ko ehsas hua tha

    main tanha hun

    us din bhi sidha-sada suraj nikla tha

    shahr mein koi shor nahin tha

    ghar mein koi aur nahin tha

    amman aaTa gundh rahi thin

    abba chaarpai par baiThe ungh rahe the

    dhire dhire dhup chaDhi thi

    aur achanak dil mein ye KHwahish ubhri thi

    main duniya se chhuTTi le lun

    apne kamre ko andar se tala de kar kunji kho kar

    zor se chiKHun chiKHta jaun

    lekin koi na sunne pae

    chaqu se ek ek rag-o-reshe ko kaTun

    aur bhayanak sachchai ka dariya phuTe

    har kapDe ko aag laga dun

    shoalon mein nange-pan ka sannaTa kude

    wo din tha aur aaj ka din hai

    kamre ke andar se tala laga hua hai

    kunji gum hai

    main zoron se chiKH raha hun

    mere jism ka ek ek resha kaTa hua hai

    sab kapDon mein aag lagi hai

    bahar sab pahle jaisa hai

    koi nahin jo kamre ka darwaza toDe

    koi nahin jo apna khel zara sa chhoDe

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now