aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

KHud fareb

Zia Jalandhari

KHud fareb

Zia Jalandhari

MORE BYZia Jalandhari

    nahīñ nahīñ mujhe nūr-e-sahar qubūl nahīñ

    koī mujhe vo mirī tīrgī atā kar de

    ki maiñ ne jis ke sahāre bune the ḳhvāb pe ḳhvāb

    hazār rañg mire mū-qalam meñ the jin se

    banā banā ke but-e-ārzū tasvīreñ

    siyāh parda-e-shab par bikher diiñ maiñ ne

    ravāñ the mere rag-o-pai meñ an-ginat naġhme

    vo dukh ke giit jo lab-āshnā nahīñ ab tak

    maiñ tīra-baḳht thā is tīrgī ke dāman meñ

    sakūñ nasīb thā nākām ārzūoñ ko

    maiñ apne ḳhvāboñ se tārīk raat se ḳhush thā

    na jaane kyuuñ palaT aa.ī ho sail-e-nūr ke saath

    maiñ rahā thā tumhāre baġhair bhī lekin

    tumhārī yaad meñ maiñ ne vo but banā.e haiñ

    jo aaj tum se bhī baḌh kar aziiz haiñ mujh ko

    vo but mire haiñ mujhe chhoḌ kar na jā.eñge

    maiñ apne-āp se be-his butoñ se ḳhush thā magar

    tum aa ga.ī ho mirī tīrgī pe hañsne ko

    tumhāre saath ka.ī ġham bhī lauT aa.e haiñ

    nahīñ nahīñ mujhe ab soz-e-ġham taab nahīñ

    nahīñ sahar nahīñ ta.abīr mere ḳhvāboñ

    nahīñ mujhe na jagāo ki mere ḳhvāboñ meñ

    tumhārā aks mujhe ab bhī pyaar kartā hai

    nahin nahin mujhe nur-e-sahar qubul nahin

    koi mujhe wo meri tirgi ata kar de

    ki main ne jis ke sahaare bune the KHwab pe KHwab

    hazar rang mere mu-qalam mein the jin se

    bana bana ke but-e-arzu ki taswiren

    siyah parda-e-shab par bikher din main ne

    rawan the mere rag-o-pai mein an-ginat naghme

    wo dukh ke git jo lab-ashna nahin ab tak

    main tira-baKHt tha is tirgi ke daman mein

    sakun nasib tha nakaam aarzuon ko

    main apne KHwabon se tarik raat se KHush tha

    na jaane kyun palaT aai ho sail-e-nur ke sath

    main ji raha tha tumhaare baghair bhi lekin

    tumhaari yaad mein main ne wo but banae hain

    jo aaj tum se bhi baDh kar aziz hain mujh ko

    wo but mere hain mujhe chhoD kar na jaenge

    main apne-ap se be-his buton se KHush tha magar

    tum aa gai ho meri tirgi pe hansne ko

    tumhaare sath kai gham bhi lauT aae hain

    nahin nahin mujhe ab soz-e-gham ki tab nahin

    nahin sahar nahin tabir mere KHwabon ki

    nahin mujhe na jagao ki mere KHwabon mein

    tumhaara aks mujhe ab bhi pyar karta hai

    Source:

    sar-e-shaam se pas-e-harf tak (Pg. 67)

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now