aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

KHwabon ke byopari

Ahmad Faraz

KHwabon ke byopari

Ahmad Faraz

MORE BYAhmad Faraz

    ham ḳhvāboñ ke byopārī the

    par is meñ huā nuqsān baḌā

    kuchh baḳht meñ Dheroñ kālak thī

    kuchh ab ke ġhazab kaal paḌā

    ham raakh liye haiñ jholī meñ

    aur sar pe hai sāhūkār khaḌā

    yaañ buuñd nahīñ hai Deve meñ

    vo bāj-byāj baat kare

    ham bāñjh zamīn ko takte haiñ

    vo Dhor anaaj baat kare

    ham kuchh din mohlat māñgeñ

    vo aaj aaj baat kare

    jab dhartī sahrā sahrā thī

    ham dariyā dariyā ro.e the

    jab haath rekhā.eñ chup thiiñ

    aur sur sañgīt meñ so.e the

    tab ham ne jīvan-khetī meñ

    kuchh ḳhvāb anokhe bo.e the

    kuchh ḳhvāb sajal muskānoñ ke

    kuchh bol kabat dīvānoñ ke

    kuchh lafz jinheñ ma.anī na mile

    kuchh giit shikasta-jānoñ ke

    kuchh niir vafā sham.oñ ke

    kuchh par pāgal parvānoñ ke

    par apnī ghāyal āñkhoñ se

    ḳhush ho ke lahū chhiḌkāyā thā

    maaTī meñ maas khaad bharī

    aur nas nas ko zaḳhāmāyā thā

    aur bhuul ga.e pichhlī rut meñ

    kyā khoyā thā kyā paayā thā

    har baar gagan ne vahm diyā

    ab ke barkhā jab aa.egī

    har biij se koñpal phūTegī

    aur har koñpal phal lā.egī

    sar par chhāyā chhatrī hogī

    aur dhuup ghaTā ban jā.egī

    jab fasl kaTī to kyā dekhā

    kuchh dard ke TuuTe gajre the

    kuchh zaḳhmī ḳhvāb the kāñToñ par

    kuchh ḳhākistar se kajre the

    aur duur ufuq ke sāgar meñ

    kuchh Dolte Dūbte bajre the

    ab paañv khaḌā.ūñ dhūl-bharī

    aur jism pe jog cholā hai

    sab sañgī sāthī bhed-bhare

    koī maasa hai koī tolā hai

    is taak meñ ye is ghaat meñ vo

    har or Thagoñ Tolā hai

    ab ghaaT na ghar dahlīz na dar

    ab paas rahā hai kyā baabā

    bas tan gaThrī baaqī hai

    ye bhī le baabā

    ham bastī chhoḌe jaate haiñ

    apnā qarz chukā baabā

    hum KHwabon ke byopari the

    par is mein hua nuqsan baDa

    kuchh baKHt mein Dheron kalak thi

    kuchh ab ke ghazab ka kal paDa

    hum rakh liye hain jholi mein

    aur sar pe hai sahukar khaDa

    yan bund nahin hai Dewe mein

    wo baj-byaj ki baat kare

    hum banjh zamin ko takte hain

    wo Dhor anaj ki baat kare

    hum kuchh din ki mohlat mangen

    wo aaj hi aaj ki baat kare

    jab dharti sahra sahra thi

    hum dariya dariya roe the

    jab hath ki rekhaen chup thin

    aur sur sangit mein soe the

    tab hum ne jiwan-kheti mein

    kuchh KHwab anokhe boe the

    kuchh KHwab sajal muskanon ke

    kuchh bol kabat diwanon ke

    kuchh lafz jinhen mani na mile

    kuchh git shikasta-jaanon ke

    kuchh nir wafa ki shamon ke

    kuchh par pagal parwanon ke

    par apni ghayal aankhon se

    KHush ho ke lahu chhiDkaya tha

    maTi mein mas ki khad bhari

    aur nas nas ko zaKHamaya tha

    aur bhul gae pichhli rut mein

    kya khoya tha kya paya tha

    har bar gagan ne wahm diya

    ab ke barkha jab aaegi

    har bij se konpal phuTegi

    aur har konpal phal laegi

    sar par chhaya chhatri hogi

    aur dhup ghaTa ban jaegi

    jab fasl kaTi to kya dekha

    kuchh dard ke TuTe gajre the

    kuchh zaKHmi KHwab the kanTon par

    kuchh KHakistar se kajre the

    aur dur ufuq ke sagar mein

    kuchh Dolte Dubte bajre the

    ab panw khaDaun dhul-bhari

    aur jism pe jog ka chola hai

    sab sangi sathi bhed-bhare

    koi masa hai koi tola hai

    is tak mein ye is ghat mein wo

    har or Thagon ka Tola hai

    ab ghaT na ghar dahliz na dar

    ab pas raha hai kya baba

    bas tan ki gaThri baqi hai

    ja ye bhi tu le ja baba

    hum basti chhoDe jate hain

    tu apna qarz chuka baba

    RECITATIONS

    Ahmad Faraz

    Ahmad Faraz,

    Aqib Sabir

    Aqib Sabir,

    Ahmad Faraz

    KHwabon ke byopari Ahmad Faraz

    Aqib Sabir

    KHwabon ke byopari Aqib Sabir

    Source:

    kulliyat-e-ahmad Faraz (Pg. 188)

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now