ki KHwab tha bas tumhaara aana

tumhārī āñkheñ ḳhushī kī ḳhvāhish liye huī thiiñ

tumhārī sochoñ meñ ahd-e-māzī kī silvaTeñ thiiñ

tumhāre gesū ghumartī ghirtī ghaTāoñ ke kuchh ghanere bādal bane hue the

qadam baḌhā.e nazar jhukā.e badan badan churā.e aa rahī thī

havā.eñ bhī gungunā rahī thiiñ

kalī kalī muskurā rahī thī

ḳhizāñ-rasīda chaman meñ jaise bahār chupke se aa rahī thī

magar achānak

ye ḳhvāb TuuTā to maiñ ne dekhā

ridā-e-shab pe koī sitārā nahīñ thā baaqī

jahāñ judā.ī ke saare lamhe gale mile the vahāñ mohabbat kī maañg bharne ko shabnam utrī

ḳhizāñ-rasīda badan-darīda vo shab-gazīda udaas lamhe!

ajiib vahshat jagā rahe the

vajūd se vo adam kī duniyā meñ jā rahe the

ki ḳhvāb thā bas tumhārā aanā

tumhaari aankhen KHushi ki KHwahish liye hui thin

tumhaari sochon mein ahd-e-mazi ki silwaTen thin

tumhaare gesu ghumarti ghirti ghaTaon ke kuchh ghanere baadal bane hue the

qadam baDhae nazar jhukae badan badan churae aa rahi thi

hawaen bhi gunguna rahi thin

kali kali muskura rahi thi

KHizan-rasida chaman mein jaise bahaar chupke se aa rahi thi

magar achanak

ye KHwab TuTa to main ne dekha

rida-e-shab pe koi sitara nahin tha baqi

jahan judai ke sare lamhe gale mile the wahan mohabbat ki mang bharne ko shabnam utri

KHizan-rasida badan-darida wo shab-gazida udas lamhe!

ajib wahshat jaga rahe the

wajud se wo adam ki duniya mein ja rahe the

ki KHwab tha bas tumhaara aana