aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

kisi ko udas dekh kar

Sahir Ludhianvi

kisi ko udas dekh kar

Sahir Ludhianvi

MORE BYSahir Ludhianvi

    tumheñ udaas paatā huuñ maiñ ka.ī din se

    na jaane kaun se sadme uThā rahī ho tum

    vo shoḳhiyāñ vo tabassum vo qahqahe na rahe

    har ek chiiz ko hasrat se dekhtī ho tum

    chhupā chhupā ke ḳhamoshī meñ apnī bechainī

    ḳhud apne raaz tash.hīr ban ga.ī ho tum

    merī umiid agar miT ga.ī to miTne do

    umiid kyā hai bas ik pesh-o-pas hai kuchh bhī nahīñ

    mirī hayāt ġhamgīniyoñ ġham na karo

    ġham-e-hayāt ġham-e-yak-nafas hai kuchh bhī nahīñ

    tum apne husn ra.anā.iyoñ pe rahm karo

    vafā fareb hai tūl-e-havas hai kuchh bhī nahīñ

    mujhe tumhāre taġhāful se kyuuñ shikāyat ho

    mirī fanā mire ehsās taqāzā hai

    maiñ jāntā huuñ ki duniyā ḳhauf hai tum ko

    mujhe ḳhabar hai ye duniyā ajiib duniyā hai

    yahāñ hayāt ke parde meñ maut paltī hai

    shikast-e-sāz āvāz rūh-e-naġhma hai

    mujhe tumhārī judā.ī koī rañj nahīñ

    mire ḳhayāl duniyā meñ mere paas ho tum

    ye tum ne Thiik kahā hai tumheñ milā na karūñ

    magar mujhe ye batā do ki kyuuñ udaas ho tum

    ḳhafā na honā mirī jur.at-e-taḳhātub par

    tumheñ ḳhabar hai mirī zindagī aas ho tum

    mirā to kuchh bhī nahīñ hai maiñ ro ke lūñgā

    magar ḳhudā ke liye tum asīr-e-ġham na raho

    huā kyā jo zamāne ne tum ko chhīn liyā

    yahāñ pe kaun huā hai kisī socho to

    mujhe qasam hai mirī dukh-bharī javānī

    maiñ ḳhush huuñ merī mohabbat ke phuul Thukrā do

    maiñ apnī ruuh har ik ḳhushī miTā lūñgā

    magar tumhārī masarrat miTā nahīñ saktā

    maiñ ḳhud ko maut ke hāthoñ meñ sauñp saktā huuñ

    magar ye bār-e-masā.ib uThā nahīñ saktā

    tumhāre ġham ke sivā aur bhī to ġham haiñ mujhe

    najāt jin se maiñ ik lahza nahīñ saktā

    ye ūñche ūñche makānoñ DevḌhiyoñ ke tale

    har ek gaam pe bhūke bhikāriyoñ sadā

    har ek ghar meñ hai aflās aur bhuuk shor

    har ek samt ye insāniyat āh-o-bukā

    ye kār-ḳhānoñ meñ lohe shor-o-ġhul jis meñ

    hai dafn lākhoñ ġharīboñ ruuh naġhma

    ye shāh-rāhoñ pe rañgīn sāḌiyoñ jhalak

    ye jhoñpaḌoñ meñ ġharīboñ ke be-kafan lāshe

    ye māl-road pe caroñ rel-pel shor

    ye pTriyoñ pe ġharīboñ ke zard-rū bachche

    galī galī meñ ye bikte hue javāñ chehre

    husain ā.ankhoñ meñ afsurdagī chhā.ī huī

    ye jañg aur ye mere vatan ke shoḳh javāñ

    ḳharīdī jaatī haiñ uThtī javāniyāñ jin

    ye baat baat pe qānūn o zābte giraft

    ye zillateñ ye ġhulāmī ye daur-e-majbūrī

    ye ġham bahut haiñ mirī zindagī miTāne ko

    udaas rah ke mire dil ko aur rañj na do

    tumhein udas sa pata hun main kai din se

    na jaane kaun se sadme uTha rahi ho tum

    wo shoKHiyan wo tabassum wo qahqahe na rahe

    har ek chiz ko hasrat se dekhti ho tum

    chhupa chhupa ke KHamoshi mein apni bechaini

    KHud apne raaz ki tashhir ban gai ho tum

    meri umid agar miT gai to miTne do

    umid kya hai bas ek pesh-o-pas hai kuchh bhi nahin

    meri hayat ki ghamginiyon ka gham na karo

    gham-e-hayat gham-e-yak-nafas hai kuchh bhi nahin

    tum apne husn ki ranaiyon pe rahm karo

    wafa fareb hai tul-e-hawas hai kuchh bhi nahin

    mujhe tumhaare taghaful se kyun shikayat ho

    meri fana mere ehsas ka taqaza hai

    main jaanta hun ki duniya ka KHauf hai tum ko

    mujhe KHabar hai ye duniya ajib duniya hai

    yahan hayat ke parde mein maut palti hai

    shikast-e-saz ki aawaz ruh-e-naghma hai

    mujhe tumhaari judai ka koi ranj nahin

    mere KHayal ki duniya mein mere pas ho tum

    ye tum ne Thik kaha hai tumhein mila na karun

    magar mujhe ye bata do ki kyun udas ho tum

    KHafa na hona meri jurat-e-taKHatub par

    tumhein KHabar hai meri zindagi ki aas ho tum

    mera to kuchh bhi nahin hai main ro ke ji lunga

    magar KHuda ke liye tum asir-e-gham na raho

    hua hi kya jo zamane ne tum ko chhin liya

    yahan pe kaun hua hai kisi ka socho to

    mujhe qasam hai meri dukh-bhari jawani ki

    main KHush hun meri mohabbat ke phul Thukra do

    main apni ruh ki har ek KHushi miTa lunga

    magar tumhaari masarrat miTa nahin sakta

    main KHud ko maut ke hathon mein saunp sakta hun

    magar ye bar-e-masaib uTha nahin sakta

    tumhaare gham ke siwa aur bhi to gham hain mujhe

    najat jin se main ek lahza pa nahin sakta

    ye unche unche makanon ki DewDhiyon ke tale

    har ek gam pe bhuke bhikariyon ki sada

    har ek ghar mein hai aflas aur bhuk ka shor

    har ek samt ye insaniyat ki aah-o-buka

    ye kar-KHanon mein lohe ka shor-o-ghul jis mein

    hai dafn lakhon gharibon ki ruh ka naghma

    ye shah-rahon pe rangin saDiyon ki jhalak

    ye jhonpaDon mein gharibon ke be-kafan lashe

    ye mal-road pe caron ki rel-pel ka shor

    ye pTriyon pe gharibon ke zard-ru bachche

    gali gali mein ye bikte hue jawan chehre

    husain aaankhon mein afsurdagi si chhai hui

    ye jang aur ye mere watan ke shoKH jawan

    KHaridi jati hain uThti jawaniyan jin ki

    ye baat baat pe qanun o zabte ki giraft

    ye zillaten ye ghulami ye daur-e-majburi

    ye gham bahut hain meri zindagi miTane ko

    udas rah ke mere dil ko aur ranj na do

    Source:

    Kulliyat-e-Sahir (Pg. 40)

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now