aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

kitaben

Gulzar

kitaben

Gulzar

MORE BYGulzar

    kitābeñ jhāñktī haiñ band almārī ke shīshoñ se

    baḌī hasrat se taktī haiñ

    mahīnoñ ab mulāqāteñ nahīñ hotīñ

    jo shāmeñ un sohbat meñ kaTā kartī thīñ, ab aksar

    guzar jaatī haiñ computer ke pardoñ par

    baḌī bechain rahtī haiñ kitābeñ

    unheñ ab niind meñ chalne aadat ho ga.ī hai

    baḌī hasrat se taktī haiñ

    jo qadreñ vo sunātī thiiñ

    ki jin ke cell kabhī marte nahīñ the

    vo qadreñ ab nazar aatī nahīñ ghar meñ

    jo rishte vo sunātī thiiñ

    vo saare udhḌe udhḌe haiñ

    koī safha palaTtā huuñ to ik siskī nikaltī hai

    ka.ī lafzoñ ke ma.anī gir paḌe haiñ

    binā pattoñ ke sūkhe TunD lagte haiñ vo sab alfāz

    jin par ab koī ma.anī nahīñ ugte

    bahut istelāheñ haiñ

    jo miTTī ke sakoroñ tarah bikhrī paḌī haiñ

    gilāsoñ ne unheñ matrūk kar Daalā

    zabāñ par zā.iqa aatā thā jo safhe palaTne

    ab uñglī click karne se bas ik

    jhapkī guzartī hai

    bahut kuchh tah-ba-tah khultā chalā jaatā hai parde par

    kitāboñ se jo zaatī rābta thā kaT gayā hai

    kabhī siine pe rakh ke leT jaate the

    kabhī godī meñ lete the

    kabhī ghuTnoñ ko apne rehl sūrat banā kar

    niim sajde meñ paḌhā karte the chhūte the jabīñ se

    vo saarā ilm to miltā rahegā ā.inda bhī

    magar vo jo kitāboñ meñ milā karte the sūkhe phuul aur

    mahke hue ruq.e

    kitābeñ māñgne girne uThāne ke bahāne rishte bante the

    un kyā hogā

    vo shāyad ab nahīñ hoñge!

    kitaben jhankti hain band almari ke shishon se

    baDi hasrat se takti hain

    mahinon ab mulaqaten nahin hotin

    jo shamen un ki sohbat mein kaTa karti thin, ab aksar

    guzar jati hain computer ke pardon par

    baDi bechain rahti hain kitaben

    unhen ab nind mein chalne ki aadat ho gai hai

    baDi hasrat se takti hain

    jo qadren wo sunati thin

    ki jin ke cell kabhi marte nahin the

    wo qadren ab nazar aati nahin ghar mein

    jo rishte wo sunati thin

    wo sare udhDe udhDe hain

    koi safha palaTta hun to ek siski nikalti hai

    kai lafzon ke mani gir paDe hain

    bina patton ke sukhe TunD lagte hain wo sab alfaz

    jin par ab koi mani nahin ugte

    bahut si istelahen hain

    jo miTTi ke sakoron ki tarah bikhri paDi hain

    gilason ne unhen matruk kar Dala

    zaban par zaiqa aata tha jo safhe palaTne ka

    ab ungli click karne se bas ek

    jhapki guzarti hai

    bahut kuchh tah-ba-tah khulta chala jata hai parde par

    kitabon se jo zati rabta tha kaT gaya hai

    kabhi sine pe rakh ke leT jate the

    kabhi godi mein lete the

    kabhi ghuTnon ko apne rehl ki surat bana kar

    nim sajde mein paDha karte the chhute the jabin se

    wo sara ilm to milta rahega aainda bhi

    magar wo jo kitabon mein mila karte the sukhe phul aur

    mahke hue ruqe

    kitaben mangne girne uThane ke bahane rishte bante the

    un ka kya hoga

    wo shayad ab nahin honge!

    Videos
    This video is playing from YouTube

    Videos
    This video is playing from YouTube

    Gulzar

    Gulzar

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now