aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

laDaku chiDa

Kaif Moradaabadi

laDaku chiDa

Kaif Moradaabadi

MORE BYKaif Moradaabadi

    mere kamre ke baḌe taaq meñ ik ā.īna

    sūrateñ sab ko dikhāne ke liye rakkhā hai

    sāmne aa.ine ke baiTh ke roz ek chiḌā

    jaane kyuuñ aks se apne laḌā kartā hai

    kabhī panjoñ se kabhī choñch se hamle kar ke

    ye samajhtā hai use jiit yaqīnī hogī

    is himāqat se agar baaz nahīñ aa.egā

    choñch kyā us to rag rag kabhī zaḳhmī hogī

    jab koī kaam na hogā use laḌne ke sivā

    saañs bhī le na sakegā kabhī be-ḳhauf-o-hirās

    phir kisī din ye tamāshā bhī nazar aa.egā

    nannhī laash paḌī hogī us aa.ine ke paas

    sochtā huuñ ki mire mulk ke lākhoñ bachche

    roz aapas meñ isī tarah laḌā karte haiñ

    fā.eda is se kisī ko bhī nahīñ hotā hai

    kuchh na kuchh apnā nuqsān kiyā karte haiñ

    yahī aadat jo banā to vo din bhī hai qarīb

    chain se rah na sakeñge ye laḌā.ī ke baġhair

    koī bhī paas se guzrā to ḳhushī kyā zikr

    kuchh bhī to kah na sakeñge ye laḌā.ī ke baġhair

    be-sabab laḌne ke jazbe ko jo rokā na gayā

    log aaqil hoñ ki nādān laḌe jā.eñge

    apnī fitrat banā leñge jo bāham laḌnā

    jānvar hoñ ki hoñ insān laḌe jā.eñge

    vo muḳhālif na sahī apnā koī aks sahī

    mil jā.egā unheñ koī jhagaḌne ke liye

    aa.ine sāmne rakh kar yahī sarkash bachche

    baiTh jā.eñge har ik sub.h ko laḌne ke liye

    sab rahe jā.eñge aapas meñ agar mil-jul kar

    har jagah mulk meñ gulzār nazar ā.eñge

    aur agar buġhz-o-adāvat yahī josh rahā

    jā-ba-jā lāshoñ ke ambār nazar ā.eñge

    mere kamre ke baDe taq mein ek aaina

    suraten sab ko dikhane ke liye rakkha hai

    samne aaine ke baiTh ke roz ek chiDa

    jaane kyun aks se apne hi laDa karta hai

    kabhi panjon se kabhi chonch se hamle kar ke

    ye samajhta hai use jit yaqini hogi

    is himaqat se agar baz nahin aaega

    chonch kya us ki to rag rag kabhi zaKHmi hogi

    jab koi kaam na hoga use laDne ke siwa

    sans bhi le na sakega kabhi be-KHauf-o-hiras

    phir kisi din ye tamasha bhi nazar aaega

    nannhi si lash paDi hogi us aaine ke pas

    sochta hun ki mere mulk ke lakhon bachche

    roz aapas mein isi tarah laDa karte hain

    faeda is se kisi ko bhi nahin hota hai

    kuchh na kuchh apna hi nuqsan kiya karte hain

    yahi aadat jo bana li to wo din bhi hai qarib

    chain se rah na sakenge ye laDai ke baghair

    koi bhi pas se guzra to KHushi ka kya zikr

    kuchh bhi to kah na sakenge ye laDai ke baghair

    be-sabab laDne ke jazbe ko jo roka na gaya

    log aaqil hon ki nadan laDe jaenge

    apni fitrat hi bana lenge jo baham laDna

    jaanwar hon ki hon insan laDe jaenge

    wo muKHalif na sahi apna koi aks sahi

    mil hi jaega unhen koi jhagaDne ke liye

    aaine samne rakh kar yahi sarkash bachche

    baiTh jaenge har ek subh ko laDne ke liye

    sab rahe jaenge aapas mein agar mil-jul kar

    har jagah mulk mein gulzar nazar aaenge

    aur agar bughz-o-adawat ka yahi josh raha

    ja-ba-ja lashon ke ambar nazar aaenge

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now