lafz ki chhanw mein

lafz kī chhāñv meñ

niim kī pattiyoñ kā safar talḳh sā

sīlnī jism meñ ruuh bechain bhī

shahriyat ke taqāze jo TuuTe kabhī

zindagī ke amal meñ bhī shak aa paḌā

TuuT kar kis tarah juḌ ga.ī chāndnī

dhuup lamhoñ ke chehroñ se girtī huī ḳhaak meñ jā milī

sar jhukā.e hue kaun saḌkoñ pe yuuñ tujh ko DhūñDā kare

ham-kalāmī kī izzat kā bādal sadā sar pe saaya fagan

jab terī ḳhāmushī ke ma.ānī ke hoñToñ se Tapke hue

duudh ke chand qatre samundar bane

bādbānoñ ke āġhosh khole hue kashtiyāñ chal paḌīñ

tishnagī ke jazīroñ pe saaya kahāñ

sub.h kā mom pighlā to ḳhvāboñ ke dil bujh ga.e

bujh ga.ī raat bhī

bujh ga.ī lafz ke haath kī baat bhī

lafz maidān meñ sar-nigūñ rah ga.e

sañgsārī kī lazzat lahū ban ga.ī

kaun poshīda jazboñ kī chilman bane

lafz kī chhāñv meñ koī sūraj Dhale

lafz ki chhanw mein

nim ki pattiyon ka safar talKH sa

silni jism mein ruh bechain bhi

shahriyat ke taqaze jo TuTe kabhi

zindagi ke amal mein bhi shak aa paDa

TuT kar kis tarah juD gai chandni

dhup lamhon ke chehron se girti hui KHak mein ja mili

sar jhukae hue kaun saDkon pe yun tujh ko DhunDa kare

ham-kalami ki izzat ka baadal sada sar pe saya fagan

jab teri KHamushi ke maani ke honTon se Tapke hue

dudh ke chand qatre samundar bane

baadbanon ke aaghosh khole hue kashtiyan chal paDin

tishnagi ke jaziron pe saya kahan

subh ka mom pighla to KHwabon ke dil bujh gae

bujh gai raat bhi

bujh gai lafz ke hath ki baat bhi

lafz maidan mein sar-nigun rah gae

sangsari ki lazzat lahu ban gai

kaun poshida jazbon ki chilman bane

lafz ki chhanw mein koi suraj Dhale