aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

magar main KHuda se kahunga

Mohammad Alvi

magar main KHuda se kahunga

Mohammad Alvi

MORE BYMohammad Alvi

    magar maiñ ḳhudā se kahūñgā

    ḳhudā-vand! merī sazā kisī aur ko de

    ki maiñ ne yahāñ

    is zamīñ par

    sazā.eñ qubūliñ haiñ un

    ki jin se mujhe sirf itnā ta.alluq rahā hai

    ki maiñ aur vo

    donoñ tujh ko ḳhudā mānte the!

    ye sach hai

    tirā aks dekhā thā ham ne alag ā.īnoñ meñ

    magar maiñ ḳhudā se kahūñgā

    ḳhudā-vand! ye din qayāmat din hai

    ye vo din hai

    jab ne ham sab pe apne ko zāhir kiyā hai

    to is vaqt mere gunāhoñ se parda uThā kar

    ḳhudāvand! apnī nūrāniyoñ

    apnī tābāniyoñ ko mulavvis na kar

    mujhe muaaf kar de

    use muaaf kar de

    ki maiñ aur vo donoñ tujh ko ḳhudā mānte the

    ye sach hai

    tirā aks dekhā thā ham ne alag ā.īnoñ meñ

    hameñ muaaf kar de

    ki ham ne sazā.eñ qubūl haiñ ik dūsre kii!

    hameñ muaaf kar de

    ki saare gunāh saarī taqsīreñ

    sach sach batā.ūñ

    isī din ḳhātir huī thiiñ

    magar main KHuda se kahunga

    KHuda-wand! meri saza tu kisi aur ko de

    ki main ne yahan

    is zamin par

    sazaen qubulin hain un ki

    ki jin se mujhe sirf itna talluq raha hai

    ki main aur wo

    donon tujh ko KHuda mante the!

    ye sach hai

    tera aks dekha tha hum ne alag aainon mein

    magar main KHuda se kahunga

    KHuda-wand! ye din qayamat ka din hai

    ye wo din hai

    jab tu ne hum sab pe apne ko zahir kiya hai

    to is waqt mere gunahon se parda uTha kar

    KHudawand! tu apni nuraniyon

    apni tabaniyon ko mulawwis na kar

    mujhe muaf kar de

    use muaf kar de

    ki main aur wo donon tujh ko KHuda mante the

    ye sach hai

    tera aks dekha tha hum ne alag aainon mein

    hamein muaf kar de

    ki hum ne sazaen qubul ki hain ek dusre ki!

    hamein muaf kar de

    ki sare gunah sari taqsiren

    sach sach bataun

    isi din ki KHatir hui thin

    related content

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now