mahsur tha

bahut gaD-maD the

roz-o-shab ke vo sab tāne-bāne aur

na maiñ mashshāq thā aisā

ki chādar koī bun letā

magar mahsūr thā

aur jāntā thā ye mashaqqat

kāTnā qismat meñ aayā hai

so jaise ban paḌā ye kaam bhī puurā kiyā maiñ ne

pa ab jab dekhtā huuñ

apne roz-o-shab kā hāsil

ya.anī vo chādar

to kahtā huuñ

ki ai logo!

use ham-rāh mere dafn kar denā

koī pūchhe to kah denā

are chhoḌo chalo ik chaa.e piite haiñ

bahut gaD-maD the

roz-o-shab ke wo sab tane-bane aur

na main mashshaq tha aisa

ki chadar koi bun leta

magar mahsur tha

aur jaanta tha ye mashaqqat

kaTna qismat mein aaya hai

so jaise ban paDa ye kaam bhi pura kiya main ne

pa ab jab dekhta hun

apne roz-o-shab ka hasil

yani wo chadar

to kahta hun

ki ai logo!

use ham-rah mere dafn kar dena

koi puchhe to kah dena

are chhoDo chalo ek chae pite hain