aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

main kya hun

MORE BYMohammad Shafiuddin Nayyar

    maiñ kyā huuñ

    maiñ kyā huuñ ye batlāo tum

    phir ghī aur shakkar khaao tum

    bāġhoñ meñ merā Derā hai

    jañgal meñ merā baserā hai

    ik taaj mire sar par hai dharā

    uudā uudā niilā niilā

    haiñ lambe lambe par mere

    jo saare badan ko haiñ ghere

    naqsh un ke jhamakte rahte haiñ

    taare se chamakte rahte haiñ

    jab bādal ghir kar aate haiñ

    jab bādal bārish laate haiñ

    us vaqt mirī jhankār suno

    ik baar nahīñ sau baar suno

    maiñ josh meñ jis dam aatā huuñ

    par apne sab phailātā huuñ

    phir nāchtā huuñ maiñ bhar ke

    Thumak Thumak Thumak kar ke

    tārīf mirī sab karte haiñ

    sab mere husn pe marte haiñ

    haiñ lekin paañv mire bhadde

    bas haiñ yahī mujh ko dukh dete

    maiñ kyā huuñ ye batlāo tum

    phir ghī aur shakkar khaao tum

    main kya hun

    main kya hun ye batlao tum

    phir ghi aur shakkar khao tum

    baghon mein mera Dera hai

    jangal mein mera basera hai

    ek taj mere sar par hai dhara

    uda uda nila nila

    hain lambe lambe par mere

    jo sare badan ko hain ghere

    naqsh un ke jhamakte rahte hain

    tare se chamakte rahte hain

    jab baadal ghir kar aate hain

    jab baadal barish late hain

    us waqt meri jhankar suno

    ek bar nahin sau bar suno

    main josh mein jis dam aata hun

    par apne sab phailata hun

    phir nachta hun main ji bhar ke

    Thumak Thumak Thumak kar ke

    tarif meri sab karte hain

    sab mere husn pe marte hain

    hain lekin panw mere bhadde

    bas hain yahi mujh ko dukh dete

    main kya hun ye batlao tum

    phir ghi aur shakkar khao tum

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now