malka-e-tarannum nur-e-jahan ki nazr

naġhma bhī hai udaas to sar bhī hai be-amāñ

rahne do kuchh to nuur añdheroñ ke darmiyāñ

ik umr jis ne chain diyā is jahān ko

lene do sukh kā saañs use bhī sar-e-jahāñ

tayyār kaun hai jo mujhe bāzuoñ meñ le

ik ye navā na ho to kaho jā.ūñ maiñ kahāñ

agle jahāñ se mujh ko yahī iḳhtilāf hai

ye sūrateñ ye giit sadā.eñ kahāñ vahāñ

ye hai azal se aur rahegā ye tā-abad

tum se na jal sakegā tarannum kā āshiyāñ

naghma bhi hai udas to sar bhi hai be-aman

rahne do kuchh to nur andheron ke darmiyan

ek umr jis ne chain diya is jahan ko

lene do sukh ka sans use bhi sar-e-jahan

tayyar kaun hai jo mujhe bazuon mein le

ek ye nawa na ho to kaho jaun main kahan

agle jahan se mujh ko yahi iKHtilaf hai

ye suraten ye git sadaen kahan wahan

ye hai azal se aur rahega ye ta-abad

tum se na jal sakega tarannum ka aashiyan