aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

mazafat

Ishrat Afreen

mazafat

Ishrat Afreen

MORE BYIshrat Afreen

    chhoTe chhoTe qasboñ ke

    dukh ajiib hote haiñ

    sukh ajiib hote haiñ

    āñsūoñ bastī meñ

    rasne-basne vāloñ ko

    kab koī ġharaz is se

    kārobār-e-hastī meñ

    nafā kyā ḳhasāra kyā

    umr ke ḳhazāne meñ

    besh-o-kam yaarā kyā

    un apnā maslak hai

    un apnī duniyā hai

    in gharoñ chaukhaT par

    vaqt baañg detā hai

    muñh añdhere chakkī meñ

    ḳhvāb piise jaate haiñ

    chāñd rasoī meñ

    bartanoñ ke ā.īne

    dukh ko muñh chiḌhāte haiñ

    in gharoñ ke āñgan meñ

    din tulūa hotā hai

    ḳhvāb kaate jaane se

    zindagī Dorī meñ

    sukh piro.e jaane se

    aañkh ke kaToroñ meñ

    ġham samo.e jaane se

    mehrbāñ mashaqqat ke

    bojh Dho.e jaane se

    din tulūa hotā hai

    kyāriyoñ miTTī meñ

    giit jab nahāte haiñ

    rang chahchahāte haiñ

    saath muñDeroñ par

    ḳhvāb par sukhāte haiñ

    bachchiyāñ ḳhayāloñ meñ

    apne ghar basātī haiñ

    mom ke gharoñdoñ meñ

    zindagī hanD-kulhiyā

    dhuup se pakātī haiñ

    be-zabān guḌiyoñ se

    jin aañkh dhāge

    jin ke hoñT resham ke

    apne dil sab bāteñ

    bārhā batātī haiñ

    aur vaqt se pahle

    sab rumūz jiine ke

    aap siikh jaatī haiñ

    in gharoñ ke āñgan meñ

    dopahar utartī hai

    ek nannhī suuī

    aañkh ke jharoke se

    ik kiran ke mokhe se

    dhuup ke hinā.ī haath

    tashtarī baḌhāte haiñ

    chāhatoñ ke mīThe rang

    zā.iqoñ ke nādīda

    lams chhoḌ jaate haiñ

    chūḌiyāñ khanaktī haiñ

    haath baat karte haiñ

    ang ang hañstā hai

    por por ke andar

    dil dhaḌakne lagtā hai

    por por rotī hai

    oḌhnī bhigotī hai

    ḳhvāb vo paḌosī hai

    jis ke ujle kurte

    roz ik button TuuTe

    dil ki vo mohalla hai

    jis ke basne vāloñ se

    roz ik ḳhushī rūThe

    jaane kitne jismoñ ko

    be-riyā mohabbat

    aag chaaT jaatī hai

    jaane kitne nau-maulūd

    ḳhvāb dafn hote haiñ

    dil ke sard-ḳhāne meñ

    jaane kitne rishtoñ ko

    dafn karke chupke se

    vaqt ke gunāhoñ par

    ḳhaak Daalī jaatī hai

    in udaas galiyoñ meñ

    sardiyoñ rātoñ meñ

    duur paar se aate

    dil-navāz gītoñ ke

    sāñvle salone bol

    chāñd ko rulāte haiñ

    chāñd bholā-bhālā hai

    chāñd ko ye kyā ma.alūm

    zindagī nauTankī

    yūñhī chaltī rahtī hai

    muflisī raqqāsa

    taal par zamāne

    jaane kitnī sadiyoñ se

    ek jaise boloñ par

    raqs kartī rahtī hai

    sub.h se zarā pahle

    bebasī ke bistar par

    vo jo aa ke Dhahtī hai

    bistaraoñ ke sab paivand

    us ko gudgudāte haiñ

    be-sabab hañsāte haiñ

    be-sabab rulāte haiñ

    un galī mohalloñ meñ

    raat jab utartī hai

    maa.eñ apne bachchoñ ko

    loriyāñ sunātī haiñ

    apnī sard bāñhoñ

    pālnā hilātī haiñ

    ḳhvāb vo dikhātī haiñ

    afsarī ke shāhī ke

    ḳhvāb kaj-kulāhī ke

    chāñd aur gulāb un ke

    madrase jo jaate haiñ

    qamchiyoñ se hotā hai

    bachpane istiqbāl

    phuul jaise jismoñ par

    bed jab barastī hai

    duur tak chatā.ī par

    ik qatār meñ baiThe

    lafz thartharāte haiñ

    sab varaq kitāboñ ke

    aise phaḌ.phaḌāte haiñ

    jaise jaan khiñchtī ho

    un dars-gāhoñ meñ

    qamchiyāñ moallim haiñ

    qamchiyāñ mudarris haiñ

    qamchiyāñ raTātī haiñ

    sabr achchhī aadat hai

    sabr aur qanā.at se

    zindagī sañvartī hai

    un galī mohalloñ

    husn kam-suḳhan bhī hai

    aur bholā-bhālā bhī

    haañ ye kam-suḳhan laḌkā

    bhīgtī masoñ ke saath

    ghar se jab nikaltā hai

    umr hadeñ saarī

    yuuñ phalāñg jaatā hai

    muflisī havas-pesha

    phuul jaise gāloñ

    rang chuus letī hai

    bholī-bhālī bātoñ se

    ras nichoḌ letī hai

    aur phir zamāne ke

    biich chhoḌ detī hai

    peT be-hayā dallāl

    dar-ba-dar phirātā hai

    sau jatan sikhātā hai

    chhoTe chhoTe qasboñ meñ

    ghar ke sāmne baiThī

    sīdhī-sādī ummīdeñ

    raah taktī rahtī haiñ

    umr biit jaatī hai

    kuchh ḳhabar nahīñ miltī

    Dākiya jab aatā hai

    chāhatoñ pūñjī meñ

    ik raqam baḌhātā hai

    aur lauT jaatā hai

    sīdhī saadī ummīdeñ

    ghar se jaane vāloñ ko

    ek jaise lafzoñ

    bhejtī haiñ sauġhāteñ

    vaqt būḌhā munshī hai

    jis ko ḳhat sab mazmūn

    lafz lafz azbar hai

    phir bhī pūchh letā hai

    aur kyā likhūñ bolo

    phir se ab ke sāvan meñ

    sā.ebāñ Tapaktā hai

    tan or ik dīvār

    Dhe ga.ī hai ab ke baar

    sīdhī-sādī ummīdeñ

    roz-o-shab chaukhaT par

    umr kaaT detī haiñ

    jism ḳhaak ho jaa.e

    jaan raakh ho jaa.e

    peT to jahannum hai

    ye javān rahtā hai

    un aañkh sāvan

    chāhe koī mausam ho

    mehrbān rahtā hai

    chhoTe chhoTe qasboñ ke

    dukh ajiib hote haiñ

    sukh ajiib hote haiñ

    chhoTe chhoTe qasbon ke

    dukh ajib hote hain

    sukh ajib hote hain

    aansuon ki basti mein

    rasne-basne walon ko

    kab koi gharaz is se

    karobar-e-hasti mein

    nafa kya KHasara kya

    umr ke KHazane mein

    besh-o-kam ka yara kya

    un ka apna maslak hai

    un ki apni duniya hai

    in gharon ki chaukhaT par

    waqt bang deta hai

    munh andhere chakki mein

    KHwab pise jate hain

    chand si rasoi mein

    bartanon ke aaine

    dukh ko munh chiDhate hain

    in gharon ke aangan mein

    din tulua hota hai

    KHwab kate jaane se

    zindagi ki Dori mein

    sukh piroe jaane se

    aankh ke kaToron mein

    gham samoe jaane se

    mehrban mashaqqat ke

    bojh Dhoe jaane se

    din tulua hota hai

    kyariyon ki miTTi mein

    git jab nahate hain

    rang chahchahate hain

    sath ki munDeron par

    KHwab par sukhate hain

    bachchiyan KHayalon mein

    apne ghar basati hain

    mom ke gharondon mein

    zindagi ki hanD-kulhiya

    dhup se pakati hain

    be-zaban guDiyon se

    jin ki aankh dhage ki

    jin ke honT resham ke

    apne dil ki sab baaten

    barha batati hain

    aur waqt se pahle

    sab rumuz jine ke

    aap sikh jati hain

    in gharon ke aangan mein

    dopahar utarti hai

    ek nannhi sui ki

    aankh ke jharoke se

    ek kiran ke mokhe se

    dhup ke hinai hath

    tashtari baDhate hain

    chahaton ke miThe rang

    zaiqon ke nadida

    lams chhoD jate hain

    chuDiyan khanakti hain

    hath baat karte hain

    ang ang hansta hai

    por por ke andar

    dil dhaDakne lagta hai

    por por roti hai

    oDhni bhigoti hai

    KHwab wo paDosi hai

    jis ke ujle kurte ka

    roz ek button TuTe

    dil ki wo mohalla hai

    jis ke basne walon se

    roz ek KHushi ruThe

    jaane kitne jismon ko

    be-riya mohabbat ki

    aag chaT jati hai

    jaane kitne nau-maulud

    KHwab dafn hote hain

    dil ke sard-KHane mein

    jaane kitne rishton ko

    dafn karke chupke se

    waqt ke gunahon par

    KHak Dali jati hai

    in udas galiyon mein

    sardiyon ki raaton mein

    dur par se aate

    dil-nawaz giton ke

    sanwle salone bol

    chand ko rulate hain

    chand bhola-bhaala hai

    chand ko ye kya malum

    zindagi ki nauTanki

    yunhi chalti rahti hai

    muflisi ki raqqasa

    tal par zamane ki

    jaane kitni sadiyon se

    ek jaise bolon par

    raqs karti rahti hai

    subh se zara pahle

    bebasi ke bistar par

    wo jo aa ke Dhahti hai

    bistaraon ke sab paiwand

    us ko gudgudate hain

    be-sabab hansate hain

    be-sabab rulate hain

    un gali mohallon mein

    raat jab utarti hai

    maen apne bachchon ko

    loriyan sunati hain

    apni sard banhon ka

    palna hilati hain

    KHwab wo dikhati hain

    afsari ke shahi ke

    KHwab kaj-kulahi ke

    chand aur gulab un ke

    madrase jo jate hain

    qamchiyon se hota hai

    bachpane ka istiqbaal

    phul jaise jismon par

    bed jab barasti hai

    dur tak chatai par

    ek qatar mein baiThe

    lafz thartharaate hain

    sab waraq kitabon ke

    aise phaDphaDate hain

    jaise jaan khinchti ho

    un ki dars-gahon mein

    qamchiyan moallim hain

    qamchiyan mudarris hain

    qamchiyan raTati hain

    sabr achchhi aadat hai

    sabr aur qanaat se

    zindagi sanwarti hai

    un gali mohallon ka

    husn kam-suKHan bhi hai

    aur bhola-bhaala bhi

    han ye kam-suKHan laDka

    bhigti mason ke sath

    ghar se jab nikalta hai

    umr ki haden sari

    yun phalang jata hai

    muflisi hawas-pesha

    phul jaise galon ka

    rang chus leti hai

    bholi-bhaali baaton se

    ras nichoD leti hai

    aur phir zamane ke

    bich chhoD deti hai

    peT be-haya dallal

    dar-ba-dar phiraata hai

    sau jatan sikhata hai

    chhoTe chhoTe qasbon mein

    ghar ke samne baiThi

    sidhi-sadi ummiden

    rah takti rahti hain

    umr bit jati hai

    kuchh KHabar nahin milti

    Dakiya jab aata hai

    chahaton ki punji mein

    ek raqam baDhata hai

    aur lauT jata hai

    sidhi sadi ummiden

    ghar se jaane walon ko

    ek jaise lafzon ki

    bhejti hain saughaten

    waqt buDha munshi hai

    jis ko KHat ka sab mazmun

    lafz lafz azbar hai

    phir bhi puchh leta hai

    aur kya likhun bolo

    phir se ab ke sawan mein

    saeban Tapakta hai

    tan ki or ek diwar

    Dhe gai hai ab ke bar

    sidhi-sadi ummiden

    roz-o-shab ki chaukhaT par

    umr kaT deti hain

    jism KHak ho jae

    jaan rakh ho jae

    peT to jahannum hai

    ye jawan rahta hai

    un ki aankh ka sawan

    chahe koi mausam ho

    mehrban rahta hai

    chhoTe chhoTe qasbon ke

    dukh ajib hote hain

    sukh ajib hote hain

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now