aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

mazdur ki zindagi

Shatir Hakeemi

mazdur ki zindagi

Shatir Hakeemi

MORE BYShatir Hakeemi

    dopahar vaqt garmā havā.eñ tez-tar

    mehr tābish se pighle rahe haiñ dasht-o-dar

    garm hai nahroñ paanī sard hai nabz-e-bahār

    ḳhushk patte jeb-o-dāman kar rahe haiñ tārtār

    jal rahā hai sabza-e-be-rañg farsh-e-ḳhāk par

    bhun rahā hai dhuup tezī se getī jigar

    tund jhoñke aa rahe haiñ dāman-e-kohsār se

    sar-zamīn-e-rañg-o-bū par aag barsāte hue

    jānvar sab maare maare phir rahe haiñ khet meñ

    jaise koī karvaTeñ letā ho taptī ret meñ

    haa.e vo mazdūr jis ke paa.e himmat par nisār

    sañg-dil sarmāya-dārī sar-e-nā-pā.edār

    jis ke bal-būte pe itrātī hai lailā-e-zamīñ

    jis haibat se laraz jaatā hai charḳh-e-ambarīñ

    Dūbtī nabzoñ meñ dauḌātā hai jo ḳhūn-e-hayāt

    jis ke dam se jagmagā uThtī hai bazm-e-kā.enāt

    jis nazroñ se chamaktā hai tamaddun shabāb

    sar-nigūñ hai jis ke aage ahd-e-nau āftāb

    ho nahīñ saktā ki vo ārām le din ko kabhī

    kufr hai maz.hab meñ us ke kāhilī zindagī

    zindagī kyā maut se Dartā nahīñ mard-e-hazīñ

    phir bhī is duniyā meñ koī pūchhne vaalā nahīñ

    aaj bhī hai is balā dhuup meñ masrūf-e-kār

    go mahall-e-aish meñ bad-mast hai sarmāya-dār

    kyā khaḌā taktā hai sūrat ahd-e-hāzir ke javāñ

    haañ miTā de dushman-e-insāf nām-o-nishāñ

    dopahar ka waqt garma ki hawaen tez-tar

    mehr ki tabish se pighle ja rahe hain dasht-o-dar

    garm hai nahron ka pani sard hai nabz-e-bahaar

    KHushk patte jeb-o-daman kar rahe hain tartar

    jal raha hai sabza-e-be-rang farsh-e-KHak par

    bhun raha hai dhup ki tezi se geti ka jigar

    tund jhonke aa rahe hain daman-e-kohsar se

    sar-zamin-e-rang-o-bu par aag barsate hue

    jaanwar sab mare mare phir rahe hain khet mein

    jaise koi karwaTen leta ho tapti ret mein

    hae wo mazdur jis ke pae himmat par nisar

    sang-dil sarmaya-dari ka sar-e-na-paedar

    jis ke bal-bute pe itraati hai laila-e-zamin

    jis ki haibat se laraz jata hai charKH-e-ambarin

    Dubti nabzon mein dauData hai jo KHun-e-hayat

    jis ke dam se jagmaga uThti hai bazm-e-kaenat

    jis ki nazron se chamakta hai tamaddun ka shabab

    sar-nigun hai jis ke aage ahd-e-nau ka aaftab

    ho nahin sakta ki wo aaram le din ko kabhi

    kufr hai mazhab mein us ke kahili ki zindagi

    zindagi kya maut se Darta nahin mard-e-hazin

    phir bhi is duniya mein koi puchhne wala nahin

    aaj bhi hai is bala ki dhup mein masruf-e-kar

    go mahall-e-aish mein bad-mast hai sarmaya-dar

    kya khaDa takta hai surat ahd-e-hazir ke jawan

    han miTa de dushman-e-insaf ka nam-o-nishan

    Source:

    Maut-o-Hayat (Pg. 68(e) 71 )

    • Author: Shatir Hakeemi
      • Edition: 1938
      • Publisher: Maktaba Ibrahimiya, Hyderabad
      • Year of Publication: 1944

    related content

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now