میرے نغمے تمہارے لیے ہیں
اے وطن کے سجیلے جوانو
میرے نغمے تمہارے لیے ہیں
سرفروشی ہے ایماں تمہارا
جرأتوں کے پرستار تم ہو
جو حفاظت کرے سرحدوں کی
وہ فلک بوس دیوار تم ہو
اے شجاعت کے زندہ نشانو
میرے نغمے تمہارے لیے ہیں
بیویوں ماؤں بہنوں کی نظریں
تم کو دیکھیں تو یوں جگمگائیں
جیسے خاموشیوں کی زباں سے
دے رہی ہوں وہ تم کو دعائیں
قوم کے اے جری پاسبانو
میرے نغمے تمہارے لیے ہیں
تم پہ جو کچھ لکھا شاعروں نے
ان میں شامل ہے آواز میری
اڑ کے پہنچو گے تم جس افق پر
ساتھ جائے گی آواز میری
چاند تاروں کے اے راز دانو
میرے نغمے تمہارے لیے ہیں
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.