meri holi

Seemab Akbarabadi

meri holi

Seemab Akbarabadi

MORE BY Seemab Akbarabadi

    kaash hāsil ho haqīqī zindagī ek din

    sarḳhushī ek lamha ḳhushī ek din

    kar diyā hai shorish-e-ālam ne dīvāna mujhe

    hai basāte dahr-e-vahshat-nāk vīrāna mujhe

    ik na.ī duniyā ḳhilqat hai mirī taḳhlā.ī meñ

    jo muāvin ho sake insān takmīl meñ

    ehtimām-e-zindagī jis meñ ba-taur-e-ḳhās ho

    āsmāñ jis mohabbat ho zamīñ iḳhlās ho

    kirshn aaj yād-e-rafta mahfil-e-zinda karo

    brij-o-gokul bujhī sham.oñ ko tābinda karo

    ḳhushkī-e-gañg-o-jaman ābiyārī ke liye

    dāvateñ do gopiyoñ ko rañg-bārī ke liye

    az-sar-e-nau phir murattab ho jahān-e-rañg-o-bū

    ḳhār-o-ḳhas se phir ho paidā kār-ḳhāne rañg-o-bū

    prem-ras se laao bhar kar ḳhushnumā pichkāriyāñ

    hoñ na.ī dāmān-e-hastī par latāfat-bāriyāñ

    ruuh āvāz ham ā.eñge sāz-o-chañg ho

    jo paḌe insāñ pe vo insāniyat rañg ho

    chāhtā huuñ yuuñ ho rañgīñ pairahan aur sāriyāñ

    shust-o-shū se bhī na zaa.il ho sakeñ gul-kāriyāñ

    jism sūrat rahe dil bhī masarrat meñ sharīk

    rūh-e-āzādī bhī ho jaa.e haqīqat meñ sharīk

    chāhtā huuñ gulshan-e-kohna par aa jaa.e shabāb

    tinkā tinkā phuul ho aur pattā pattā āftāb

    tāzgī vaj.h-e-shaguft-e-ḳhātir-e-ālam rahe

    merī duniyā meñ hamesha ek mausam rahe

    shā.ir-o-sannā.a ho fikr-o-ḳhalish se be-niyāz

    ḳhvāja-o-mazdūr meñ baaqī na ho kuchh imtiyāz

    kash hasil ho haqiqi zindagi ka ek din

    sarKHushi ka ek lamha ya KHushi ka ek din

    kar diya hai shorish-e-alam ne diwana mujhe

    hai basate dahr-e-wahshat-nak virana mujhe

    ek nai duniya ki KHilqat hai meri taKHlai mein

    jo muawin ho sake insan ki takmil mein

    ehtimam-e-zindagi jis mein ba-taur-e-KHas ho

    aasman jis ka mohabbat ho zamin iKHlas ho

    kirshn ki aaj yaad-e-rafta mahfil-e-zinda karo

    brij-o-gokul ki bujhi shamon ko tabinda karo

    KHushki-e-gang-o-jaman ki aabiyari ke liye

    dawaten do gopiyon ko rang-bari ke liye

    az-sar-e-nau phir murattab ho jahan-e-rang-o-bu

    KHar-o-KHas se phir ho paida kar-KHane rang-o-bu

    prem-ras se lao bhar kar KHushnuma pichkariyan

    hon nai daman-e-hasti par latafat-bariyan

    ruh ki aawaz hum aaenge saz-o-chang ho

    jo paDe insan pe wo insaniyat ka rang ho

    chahta hun yun ho rangin pairahan aur sariyan

    shust-o-shu se bhi na zail ho saken gul-kariyan

    jism ki surat rahe dil bhi masarrat mein sharik

    ruh-e-azadi bhi ho jae haqiqat mein sharik

    chahta hun gulshan-e-kohna par aa jae shabab

    tinka tinka phul ho aur patta patta aaftab

    tazgi wajh-e-shaguft-e-KHatir-e-alam rahe

    meri duniya mein hamesha ek hi mausam rahe

    shair-o-sannaa ho fikr-o-KHalish se be-niyaz

    KHwaja-o-mazdur mein baqi na ho kuchh imtiyaz

    Source:

    • Book : Hindustan Hamara-1 (Pg. 255)
    • Author : Jan Nisar Akhtar
    • Publication : B.K. Offset Navin Shahdara Delhi-110032 (2010)
    • Edition : 2010
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY