aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

mir ho mirza ho mera ji ho

Noon Meem Rashid

mir ho mirza ho mera ji ho

Noon Meem Rashid

MORE BYNoon Meem Rashid

    miir ho mirzā ho miirā ho

    nā-rasā haath nam-nākī hai

    ek chīḳh hai furqat ke bayābānoñ meñ

    ek tūl-e-alam-nākī hai

    ek ruuh jo behāl hai zindānoñ meñ

    ek qaid tamannā hai

    ahd-e-rafta ke bahut ḳhvāb tamannā meñ haiñ

    aur kuchh vāhme ā.inda ke

    phir bhī andesha vo ā.īna hai jis meñ goyā

    miir ho mirzā ho miirā ho

    kuchh nahīñ dekhte haiñ

    mahvar-e-ishq ḳhud-mast haqīqat ke sivā

    apne biim o rajā apnī sūrat ke sivā

    apne rañg apne badan apne qāmat ke sivā

    apnī tanhā.i-e-jāñ-kāh dahshat ke sivā!

    dil-ḳharāshī o jigar-chākī o ḳhūñ-afshānī

    huuñ to nākām pe hote haiñ mujhe kaam bahut

    mudda.ā mahv-e-tamāshā-e-shikast-e-dil hai

    ā.ina-ḳhāne meñ koī liye jaatā hai mujhe

    raat ke phaile añdhere meñ koī saayā na thā

    chāñd ke aane pe saa.e aa.e

    saa.e hilte hue ghulte hue kuchh bhuut se ban jaate haiñ

    miir ho mirzā ho miirā ho

    apnī zaat ġhirbāl meñ chhan jaate haiñ

    dil-ḳharāshīda ho ḳhūñ-dāda rahe

    ā.ina-ḳhāne ke rezoñ pe ham istāda rahe

    chāñd ke aane pe saa.e bahut aa.e bhī

    ham bahut sāyoñ se ghabrā.e bhī

    miir ho mirzā ho miirā ho

    aaj jaañ ik na.e hañgāme meñ dar aa.ī hai

    māh-e-be-sāya dārā.ī hai

    yaad vo ishrat-e-ḳhūñ-nāb kise

    fursat-e-ḳhvāb kise

    mir ho mirza ho mera ji ho

    na-rasa hath ki nam-naki hai

    ek hi chiKH hai furqat ke bayabanon mein

    ek hi tul-e-alam-naki hai

    ek hi ruh jo behaal hai zindanon mein

    ek hi qaid tamanna ki hai

    ahd-e-rafta ke bahut KHwab tamanna mein hain

    aur kuchh wahme aainda ke

    phir bhi andesha wo aaina hai jis mein goya

    mir ho mirza ho mera ji ho

    kuchh nahin dekhte hain

    mahwar-e-ishq ki KHud-mast haqiqat ke siwa

    apne hi bim o raja apni hi surat ke siwa

    apne rang apne badan apne hi qamat ke siwa

    apni tanhai-e-jaan-kah ki dahshat ke siwa!

    dil-KHarashi o jigar-chaaki o KHun-afshani

    hun to nakaam pe hote hain mujhe kaam bahut

    muddaa mahw-e-tamasha-e-shikast-e-dil hai

    aaina-KHane mein koi liye jata hai mujhe

    raat ke phaile andhere mein koi saya na tha

    chand ke aane pe sae aae

    sae hilte hue ghulte hue kuchh bhut se ban jate hain

    mir ho mirza ho mera ji ho

    apni hi zat ki ghirbaal mein chhan jate hain

    dil-KHarashida ho KHun-dada rahe

    aaina-KHane ke rezon pe hum istada rahe

    chand ke aane pe sae bahut aae bhi

    hum bahut sayon se ghabrae bhi

    mir ho mirza ho mera ji ho

    aaj jaan ek nae hangame mein dar aai hai

    mah-e-be-saya ki darai hai

    yaad wo ishrat-e-KHun-nab kise

    fursat-e-KHwab kise

    RECITATIONS

    Nomaan Shauque

    Nomaan Shauque,

    Nomaan Shauque

    mir ho mirza ho mera ji ho Nomaan Shauque

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now