mera roza hai

Bulbul Kashmiri

mera roza hai

Bulbul Kashmiri

MORE BYBulbul Kashmiri

    duur se jalva dikhāo ki mirā roza hai

    tum mire paas na aao ki mirā roza hai

    ghaT sake din to ghaTāo ki mirā roza hai

    baḌh sake raat baḌhāo ki mirā roza hai

    qarz uThāo ki churāo magar ai ahl-e-haram

    bīsiyoñ khāne pakāo ki mirā roza hai

    mere bachcho kahīñ bāġhīche meñ khelo kar

    gul-ġhapāḌā na machāo ki mirā roza hai

    bāñdh lo āñkhoñ pe paTTī mirī begam tum

    aise ban-Than ke na aao ki mirā roza hai

    koī āvāz bhī kānoñ meñ na aa.e mere

    ghar meñ jhāḌū na phirāo ki mirā roza hai

    ghar ke darvāze pe ye likh diyā notice maiñ ne

    ghar ghanTī na bajāo ki mirā roza hai

    rāsta apnā badal deñ ye havā meñ apnā

    in jahāzoñ ko batāo ki mirā roza hai

    TuuT jaa.e na roza mirā bas dhachke meñ

    zor se bus na chalāo ki mirā roza hai

    kaam ho saktā hai daftar kahīñ rozoñ meñ

    mez kursī ko haTāo ki mirā roza hai

    saath chaltā huuñ maiñ pub meñ mire yaaro lekin

    baa'd iftār pilāo ki mirā roza hai

    hoñT papḌā.e haiñ utrā huā chehra dekho

    aaj tum maan jaao ki mirā roza hai

    tum ibādat meñ tijārat milāvaT karke

    duudh paanī meñ milāo ki mirā roza hai

    tum na be-rozoñ se 'bulbul' kabhī aise uljho

    gāliyāñ yūñhī na khaao ki mirā roza hai

    dur se jalwa dikhao ki mera roza hai

    tum mere pas na aao ki mera roza hai

    ghaT sake din to ghaTao ki mera roza hai

    baDh sake raat baDhao ki mera roza hai

    qarz uThao ki churao magar ai ahl-e-haram

    bisiyon khane pakao ki mera roza hai

    mere bachcho kahin baghiche mein khelo ja kar

    gul-ghapaDa na machao ki mera roza hai

    bandh lo aankhon pe paTTi meri begam ya tum

    aise ban-Than ke na aao ki mera roza hai

    koi aawaz bhi kanon mein na aae mere

    ghar mein jhaDu na phirao ki mera roza hai

    ghar ke darwaze pe ye likh diya notice main ne

    ghar ki ghanTi na bajao ki mera roza hai

    rasta apna badal den ye hawa mein apna

    in jahazon ko batao ki mera roza hai

    TuT hi jae na roza mera bas dhachke mein

    zor se bus na chalao ki mera roza hai

    kaam ho sakta hai daftar ka kahin rozon mein

    mez kursi ko haTao ki mera roza hai

    sath chalta hun main pub mein mere yaro lekin

    ba'd iftar pilao ki mera roza hai

    honT papDae hain utra hua chehra dekho

    aaj tum man hi jao ki mera roza hai

    tum ibaadat mein tijarat ki milawaT karke

    dudh pani mein milao ki mera roza hai

    tum na be-rozon se 'bulbul' kabhi aise uljho

    galiyan yunhi na khao ki mera roza hai

    Source :
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 2-3-4 December 2022 - Major Dhyan Chand National Stadium, Near India Gate, New Delhi

    GET YOUR FREE PASS
    Speak Now